Malasu 7:1-10

¹Nagofe! Dawa:ma na adi sia:be di mae gogolema amola na dima hamoma:ne sia:be maedafa gogolema!

²Na sia:be amo defele hamoma, amasea di da esalumu. Amola di da dia si noga:le ouligibi defele, na olelebe amo noga:le fa:no bobogema.

³Na olelebe liligi eso huluane dawa:laloma amola fedege agoane, dia dogoga noga:le dedema.

⁴Di Bagade Dawa:su Hou amoma hou dia dalusi amoma hamobe defele hamoma amola dawa:su dia dogo ganodini diala amo dia na:iyado ema hamobe defele hamoma.

⁵Ilia da dia hou huluane ouligili, di da inia uda amoma hobeamu amola ea sefe sia: amo hame nabimu.

⁶Eso afaega na da na diasu fo misa:ne agenesi amoga ba:lalu.

⁷Amola na ba:loba goi logoga manebe ba:i. Ilia da asigi dawa:su noga:i hame galu amola afadafa da gagaoui dunu agoai ba:i.

⁸Amo goi da uda afadafa ea diasu gadenene misini,

⁹eso amola sa:i dagoi gadenene gasi dagoi.

¹⁰Amo uda e da hina: da:i bidi lasu uda defele abula ida:iwane ga:i amola e da hou ilegelalu.