Malasu 6:7-23

⁷Ilia da bisilua hame amola ouligisu hame gala.

⁸Be amomane ili da ha:i manu da defele ba:sa amola gibu eso amoga ilia da ha:i manu ilia liligi ligisisu ganodini ligisisa amola esoi bagade ba:sea ili da ha:i manu defele ba:sa.

⁹Habowali hihi dabuli dunu da udigili golama:bela:? Amola habogala e da bu nedigima:bela:?

¹⁰E da amane sia:sa, “Na da fonobahadi golamu!” Amola e da amane sia:sa, “Na da na lobo gadoiba:le, fonobahadi helefimu.”

¹¹Be e da golai dianoba, hame gagui hou da wamolasu dunu ilia doagala:su hou defelewane ema doaga:mu.

¹²Hamedei dunu amola wadela:le hamosu dunu da udigili ogogole sia: sisa: ahoa.

¹³Ilia da hou moloiwane hame sia:sa. Ilia da ilia siga, loboga amola emoga hamosa ea na:iyado ema ogogomusa: amane hamosa.

¹⁴Ilia da wadela:i hou hamosu fawane dawa:sa amola ilia asigi dawa:suga da eno dunu wadela:lesimusa: dawa:sa.

¹⁵Ilia amane hamobeba:le, ilia da hedolowane se nabasu ba:mu. Ilia da bogoma:ne hedofale fasi dagoi ba:mu.

¹⁶Liligi fesuale gala amo da Hina Gode da bagade higasa. Amo da 1. Dunu ea odagi da gasa fi hou agoane ba:sa 2. Dunu da ea lafidili ogogosu sia: sia:sa 3. Dunu da ea loboga noga:i dunu fane legesa 4. Dunu da ea dogo ganodini wadela:i hou hamomusa: dawa:lala 5. Dunu da wadela:i hou hamomusa:gini hehenasa 6. Ba:su dunu da fofada:be amo ganodini ogogosu sia: enoenoi adole iaha 7. Dunu da sama gilisisu ganodini dunu se nabima:ne, mosolasu hou hamosa

²⁰Nagofe! Dia ada adi sia:sea mae gogolema amola dia ame ea olelei liligi amo noga:le dawa:loma.

²¹Amo sia: di noga:le dia dogo ganodini ligisima amola dawa:loma.

²²Elea olelei amo da di logoga ahoasea, di bisili logo olelemu. Amola amo olelei da di fidimu amola noga:le ouligimu gasi ganodini amola hadigi ganodini.

²³Ilia olelebe hou amo da hadigi gamali agoai amola ilia olelebe amoga di da hahawane esalusu lamu.