Malasu 2:1-10

¹Nagofe! Dawa:ma adi na olelebe liligi mae gogolema amola na adi sia:be defele hamoma.

²Nabima hou moloidafa amola dawa:mu logo hogoma.

³Ma, amola dawa:su hogoi helema amola amo lama:ne ha:giwane edegema.

⁴Hogoma amola hogoi helema gouli amola silifa wamolegei hogobe defele hogoma.

⁵Be di amane hamosea, di da Hina Godema nodone beda:su hou dawa:mu. Amola di da Gode Ea hou dawa:ma:ne didili hamomu.

⁶Amo dawa:su da Gode Hi fawane iaha. Dawa:su hou amola moloi dawa:digisu da Godema fawane maha.

⁷Gode da Hi fawane fidisu hou ouligisa amola E da moloidafa dunu amo gaga:sa.

⁸Hi fawane da nowa da eno dunuma hahawane moloidafa hou hamosea ilima ouligisa, amola nowa da Ema asigiba:le Ema fa:no bobogesea, Hi fawane da gaga:sa.

⁹Dia na sia: nabasea, di da hou ida:iwane dawa:mu amai amola defele di da dawa:su hou hamomu.

¹⁰Di da dawa:su dunu esalumu amola dia dawa:su ida:iwane gala labeba:le hahawane bagade ba:mu.