Mak 9:35-44

³⁵Tama aga duagulama, tama te wali pabo bidi nogo si olama sągągo si bidi i wai. Tama agai augwalibolo te po wai, “Te bidi me deli aga te polalubo bidi bidabo homu ebaso da, teda aga te nosali sabi badu mu bidama, te tigidali bidi tau sabo sę ebo bidi tiwai bidao,” wai.

³⁶Te po olama, tama agai te dwasianu wai me deli selama, tama aga te augwali tomode dolalumainogo ilali. Tama agai aga nogo tolasa, tama augwalibolo te po wai,

³⁷“Te bidigo eno nogide homu kone palama, tama te tiwai dwasianu ogwa wai me deli tau sobaso da, te agai ena tau sobao. Tama ena tau sabo bidi, agai te ena naga tau me siyu me ebeo. Menio. Agai te eno Aya me tau sobao, agai ena tagala palobaso te ena asai dao,” Jisasgo te po wai.

³⁸Te aga wali pabo bidi me deli, aga nogi Jon, tego agabolo weyu, te po wai, “Tisa, po ola mabo bidi, te bidi me deligo nago nogide te dwai haubo noma bidi sela sąbo sę ebo dago suali. Tiali goli aga te da wali me asobeo. Tama tibaso, dago aga habu selali,” te po wai.

³⁹Jisasgo agabolo te po wai, “Dagego te aga habu me selamuo. Te bidi me deli agai eno nogide te bomai sę me ebaso da, teda agai polo tama te eno nogi posobo po me wainogo me egobeo.

⁴⁰Te dade boi bidi homu me isiąbo bidi da, aga te dago abagi dao.

⁴¹Te bidi me deligo dage sulama, tama agai te homu elama, ‘Eno te Kraisgo bidi dabe tau saiba’ homu elama, tama agai te kapde wę dage mobaso da, teda eno mu po dagebolo obao, te bidigo nosali sabo wiegi yai nai da, te me hagagobeo,” Jisasgo te po wai.

⁴²Te Jisasgo po me weyu, te ola mabo po wai, “Te bidi me deligo e tiwai wai pulubago enaba homu begagaselama, te konealubo po dąų olalubadi, te aga dwai sęba tulalumainu iligi sogo da, teda te tebo bidigo dwai sęgę mu sigi da. Tama aga te tiwai dwai sę te wai dali idali weyu, te bidi dabe augwaligo te bidigo magede moni sęgę yai masigi te bonogo kęnama, tama aga te tamu ąį moni ge tomoba sela sąyu aga tede isigi sogo da, teda te usigi dao. Te sę agaba pedaligi sogo da, aga te wai dali dwai sę isiąma tama moni dene sigi menigi da.

⁴³Tama tibaso, dage deli delide e tiwai dao. Te nago nogogo te nage dwai sęba tulalumainu ilibaso da, te nago te nogo aga togolama sela sąyao. Teda nago nogo deli naga elaluyu, tama nago te dwai sę isiąbo te sesemane sogo bidada pabo ula sabo, te usu dao. Tiali goli nago nogo si me elaludu da, tama augwaligo dwai sę eyu, nage te genuai dene mu siyu bidada pabo te isisąbo sia dabo madi teba peyu da, te dwai mu dao.

⁴⁴Te bulude te dwasianu isisąbo kigi dabe te augwa tigide elalubao, tama te sia dabo munu me sula sogobeo.