Mak 8:6-16

⁶Are Yesu meni ema bama zebura arumarise senu arumuwa nu ame moyai 7 awa puro Anuture kokopai asero ame awa eweweniro bua maire potinua awa. Bua mai meni eramare potarise sero potinu puro ema bamere potiwa.

⁷Ota wo kikinaka nusokare eni itiwa giro Yesu meni wo emo Anuture kokopai asero bua maire ego senua awa, “Wo dai ema bamere potiu.” Ago senua awa.

⁸Are potiwa niwa te wenua. Te wenu giro itata poti dara niwa kana 7 te wenua awa.

⁹Erama nena niwa amira namba nusokare awa 4,000.

¹⁰Niwa amire Yesu meni nukare senu bamuwa. Bamuwa nu bua mai nusore wara witiro zebu zazo Dalimanuta amira bamuwa awa.

¹¹Farisayo eni meni Yesu nana muro numore dai ge bawewa awa. Nukare Yesu gaero gamu sero nu tani zo utura putoure wai gamu sewa.

¹²Sewa Yesu meni ge nusokare ginu biawa wenu giro ego senua awa, “Ema zeme zebura nowera ami nogoro tani putoure zo gamu tori? Na ge me tona ewa. Ema zeme zebura nowera ami tani putoure zo oko gamunora.” Ago senua awa.

¹³Ago sero nu nukare doro wara noko witiro ou ubu enibara bamunua awa.

¹⁴Bua mai nuso meni ame kaka pumamu nuweniwa. Ame da gege numorekare dai wara itinua.

¹⁵Are Yesu meni dana-wena gayai ge numorekare toise ego senua awa, “Nikare uma weu. Farisayora yis ata Herodera yis ami semu nisokare nana nai azu, nikare uma wero baititinoise noiwo.” Ago senua awa.

¹⁶Nukare ge nuso awa niniro ina-sa wewa awa, “Nakai ame tepo.”