Mak 5:8-14

⁸Anilivan ma̱wan peinan Yeisuw bo idibek yeiluw bilisow kid gamag towen, binoun.

⁹Yeisuw ikatigan yeiluw ilana, “Yeiluw ya̱koum, amiyagam?” Iw to yeiluw, ilana, “Yagag Kamimet, peinan meiveka yakamey ka̱siw nakases.”

¹⁰Mo igilagel waseg Yeisuw, ilana, “Awoum kwayabem bakan kadiveiyov.”

¹¹Tage bwaloud babaw ikamkwams awuyow wa̱koy.

¹²Siyas yeiluw igilagels, ilansa, “Kwayabem bakan bwaloud wanuwes.”

¹³Itam, ilana, “Kuweis.” Iweis gog, isiws wanuwes bwaloud, mo isisawls, ineis koy tigtageg waseg mo ikalka̱louws inineis wayvagam, iwgweles, bwaloud singay babaw, mamagina akweiy tawsan.

¹⁴Tasiyas gog tamtakavateins aleis, isawls, ikamteles youd towen wawnovek o vena babaw wasigeis. Iliganes gamag babaw, bisaps kid bineis ikines.