Mak 4:28-35

²⁸Atan enges, kei sasen mumon utite keil amoul. Anatin, keil avitehiteh, amumon vatte, ka ason heite.

²⁹Ka navong heite emen, meatin ten ah va musuhuti ka lahi va ris teim.”

³⁰Ka Iesu vit risi vit, “?Hiasuvien onen Ahi suval asa? ?Nihit kilea eni heka en tatavolien sa?

³¹Kei suval uti avek koa mot vita en vatiai tai. Kei havivi mok en utiai vasi keil.

³²Ka navong moul mai mariso, mulin ai sav keil. Son angoite keil amariso ka atahos, ka aman keil umai amumon anu ome keil en nimal teni.”

³³Ka Iesu viten selusien onen Ahi en tatavolien keil enek, mal en asa keil availea avakuri.

³⁴Selus min keil en tatavolien enges. Ka navong kei ro ral min teindan elu (12) onen, kei vit lat aneite teni min keil.

³⁵En mendilah enek, Iesu viteni min meatin keil onen vit, “Rovaha en usi oai.”