26Ana Yesu pisa ke sina ga pisape “Nasup̃enena kiena ne Ntewa naga sa nap̃a kona nap̃a yar tai naga peven ke e kiena porotano.
27Pogos nap̃a peven pae na, pe kila re si sur tai e kurus nene poli. Naga mom̃a momalio ga, tavilo, momalio, tavilo, sum̃alu, salue ga nene yemalo a legiena, ana kurus nen sur nene, naga ga sus plamolue, kapuru ke sanene. Kapuru m̃a pano-o, ana yar nene naga kiliar re kurus nen sur nene kapur ke sanape poli.
28Yar nene kilia re sur tai poli, pano-o korowas la kian pa perina piavi re na p̃ar vinasia, p̃isi na tau.