Maga Apostoles 8:3-8

³Pero si Saul ya principia maltrata con el maga gente quien tiene fe con Jesucristo, y ya entra pa le na maga casa y ya hala con el maga creyente hombre pati con el maga mujer para pone na calaboso.

⁴Todo aquellos creyente quien ya man calayat, ta continua predica el verdad acerca di Jesucristo.

⁵Uno de esos si Felipe ya anda na un ciudad de Samaria para predica canila acerca di Jesucristo.

⁶Cuando el manada de gente ya oi el enseñanza di Felipe y ya mira el maga milagro que ya hace le, ya pone gayot sila atencion con el di suyo maga palabra.

⁷Si Felipe ta icha afuera con el maga demonio na cuerpo del maga gente, y mientras ta sale el maga demonio, ta grita gayot sila. Y mucho tamen maga paralitico y el maga pi-ang ya queda curao.

⁸Poreso el maga gente ta tene gayot grande alegria alla na lugar de Samaria.