Maga Apostoles 4:33-37

³³El maga apostoles ta predica con poder y ta habla acerca del resureccion del Señor Jesucristo, y ta recibi sila maga bendicion por causa del gran favor de Dios.

³⁴Nuay ni uno di ila ta falta maga necesidad y todo el quien tiene maga cosas y propiedad ta vende con esos y ta lleva sila el cen del di ila venta

³⁵para dale con el maga apostoles, quien ta distribui con aquellos quien tiene necesidad.

³⁶Tiene un gente el nombre si Jose, nacido de Cipre, el decendiente di Levi. El maga apostoles ta llama con ele el palayao Bernabe, quiere decir un gente que ta dale animo con otros.

³⁷Si Bernabe tiene un pedaso de lote que ya vende le, y ya dale el cen con el maga apostoles.