Maga Apostoles 2:1-8

¹Cuando ya llega el dia de gracias por el cosecha que ta llama Pentecostes, mucho maga gente ya man junto na un casa.

²Derrepente ya sale na cielo un sonido como el rumor del viento bien fuerte. Y ya man calayat ese sonido na entero lugar del casa donde sila ta senta.

³Despues ya mira sila ardor de fuego y ya despedasa ese, y ya queda distribuido como un ardor de fuego na cada cabeza di ila.

⁴Despues todo sila ya queda controlao del Espiritu Santo, y ya principia conversa maga otro clase de lenguaje, y ya puede tamen habla ansina cay el Espiritu Santo ya dale canila poder.

⁵Tiene tamen maga Judio devoto ta queda na Jerusalem quien ta sale de cada nacion del mundo.

⁶Cuando el manada de gente ya oi el alboroto del cuento, ya ajunta sila y ya queda bien espantao gayot, cay el maga siguidores di Jesucristo ta puede conversa todo el maga lenguaje de aquellos quien ta oi canila.

⁷Ya estraña gayot sila y ya habla, “Esos maga gente puro gayot Galileo.

⁸Paquilaya man ese cada uno di aton ta oi canila conversa na cada′y cual lenguaje di aton?