Madito 13:31-40

³¹Heye kwa mazuwa menji, nakawalawila wala welongoze hamwe kulawila Galilaya mbaka Yelusalemu. Awo ndo wawele sambi walolezi wa heye kuli wanhu wa Isilaeli.

³²Na hetwe tuya hano kuwagalila Mbuli Inojile, mbuli yiyila yoyalagane na wasekulu wa hetwe kowegalila,

³³Gakoleka lelo kwa chiwalo cha kutulapa hetwe wazukulu wa hewo kwa kumzilipula Yesu. Kota vyoyandichigwe muli Zabuli ya keli. “ ‘Hegwe kwa mwanangu, heni lehano ndangulonga, weng'ha wavizele kota heni nda Nguluwi mhaza wa hegwe.’

³⁴Na gala ga kumzilipula. Yaleche kuhiluka ako nakola, Nguluwi nakalonga ahi, “ ‘Ndokupa utambichizo welile na mbuli za kukomya, zila zotulagane na Daudi.’

³⁵Ena na muli honhu hanji ha lwimbo lwa Zabuli kangulonga, “ ‘Nguluwi homleka Yelile wa heye yole.’

³⁶Ila nahawele Daudi, nayakolile gala goyalingugana Nguluwi mhela wa heye, hamba kabagama na kuza tiligwa behi na wahaza wa heye, na mtufi wa heye lola.

³⁷Ila yula Yesu Nguluwi nayamzilipule naholile hebu.

³⁸Ahyo mvizele wang'holozangu, kukolela munhu ayo, usenga ulingulapa kusilwa gehile, wangudamligwa kwa hemwe.

³⁹Na chila munhu yalingumkunda Yesu kangusilwa gehile geng'ha. Chinhu nachali hambe chikundizwe kuli malajizo ga Musa.

⁴⁰Milolele lelo, mleche kiting'hana na gala galonjigwe na waloli wa Nguluwi,