MAAHMAAHYADII 23:4-9

⁴Ha isku daalin si aad taajir ku noqotid. Oo xigmaddaadana ka joogso.

⁵Ma waxaad indhaha ku dayaysaa wax aan jirin? Waayo, hubaal maalku wuxuu yeeshaa baalal, Sida gorgor samada u duula oo kale.

⁶Kan isha sharka leh kibistiisa ha cunin, Cuntadiisa macaanna ha damcin,

⁷Waayo, isagu waxaa weeye siduu qalbiga kaga fikiro; Wuxuu kugu leeyahay, Cun oo cab, Laakiinse qalbigiisu kulama jiro.

⁸Wixii aad cuntay waad soo mantagi doontaa, Oo erayadaadii macaanaana way kaa lumi doonaan.

⁹Nacas waxba ha kula hadlin, Waayo, isagu xigmadda hadalkaaga wuu quudhsan doonaa.