MƐBORIMƐ WÉÌTÌ 7:16-20

¹⁶Bɑ́ nsɑ̀ kɛ́tontɛ́ ɑ mɛ mbɑ́ nciì kɛ́tontɛ́ ɑ yɑ̀ɑ̀ bo kuɔ ɑmɑ́ɑ̀.

¹⁷A bɑ́ɑ́ yóu kɛ̀ kuyonku dɑ́ tiekɛ ɑ mɛ mbɑ́ yóu kɛ̀ tiyɛìntì dɑ́ tiekɛ ɑ yɑ̀ɑ̀ bo tootɛ.

¹⁸Dɛ̀ wennimu kɛ dò nhɑ ndɛ̀ pĩ, ɑ bɑ́ɑ́ dɛ̀ yɛ̃̀. Wèè dé Kuyie nwè í yóó pɑ́kɛ́.

¹⁹Mɛciì nhɔ̃ɔ̃ kpénkùnnɛmu mɛ yiɛ̀ nkɛ̀ dɛ̀ɛ pɛ̃ɛ̃tɛ́ kùmɑ̀ndɑ́ɑ̀bɛ̀ bo mbomɛ̀ tɛpíítɛ̀ dihɛì dìmɑ́ɑ̀ miɛkɛ.

²⁰Onìtì mɔù í bo kɛtenkɛ̀ ĩ́nkɛ̀ wèè wenni kɛ sɑ̀nnɛ̀ kɛ dò nwenwe bɑ́ɑ́ dɔɔ̀ mɛyɛi. Kɛ bo ndɔɔri mɛsɑ̀ɑ̀ mmɑ́ɑ̀.