MƐBORIMƐ WÉÌTÌ 7:1-6

¹Kuyetìfeitóo nɑɑtinɛ̀mu tùdɑ̀ɑ̀rí. Kɑ̀ɑ kṹṹ nyiè wenninɛ̀ ɑ pɛitɛ́ kpɛri.

²A bo kɔtɛmɛ̀ yɛkúdɑbùò mbo tɛ̀ɛ̀ cĩ́ɛ̃̀tɛ̀, dɛ̀ wenninɛ̀mu ɑ bo kɔtɛmɛ̀ dibɑnni bo tɛ̀ɛ̀ cĩ́ɛ̃̀tɛ̀ kɛ yɛ̃́ onìtì kó kumɑ̀nku nkumɛ̀, bɑ́ wè kòò dò nkɛ́totí o yɛ̀mmɛ̀ dɛ ĩ́nkɛ̀.

³Mɛyɛǹcɑɑ̀rìmɛ̀ wenninɛ̀mu mudɑɑ́, kɛ yɛ̃́ mɛyɛǹcɑɑ̀rìmɛ̀ ciikùnkomɛ̀mu.

⁴Wèè ciì ò ɔ̃ɔ̃ kɔtɛ yɛkúdɑbùò mbo tɛ̀ɛ̀ cĩ́ɛ̃̀tɛ̀ ntɛ, kɛ̀ kuyɛìnkù kɔ̀rì diwɛ̀ì bo tɛ̀.

⁵A bo yiemmɛ̀ mɛciì nyiɛ̀ ndɑ kpɑnnɛ̀ tì, dɛ̀ wenninɛ̀mu ɑ bo nkémmúmɛ̀ tiyɛìntì kó yɛsɑ̃ɑ̃.

⁶Bɛ̀ ɔ̃ɔ̃ tií ntidɑbiti kɛ̀ ti mporì, mɛ̀ɛ̀ botí kuyɛìnkù kó mudɑɑ́ mmɛ ndò. Mù í mɔkɛ mù co kɛ̀ɛ̀ bíɛ́kɛ̀.