14Bɛ̀ɛ̀ do cɛ̃mmù dɛ kó yɛfɔ̃̀nkɛ̀ kɛ̀ bɛ̀ɛ cokɛ́ kɛ́yeè dɛ kó tinɑ́ɑǹtì dihɛì miɛkɛ nɛ̀ dɛpɑɑnko, kɛ̀ bɛnìtìbɛ̀ɛ ítɛ́ kɛ bo kɔtɛ kɛ́yɑ̀ dɛ̀ɛ̀ dɔ̀ɔ̀,
15kɛ́tuɔkoo Yesu borɛ̀ kɛ́yɑ̀ onìtì yɛbɔkɛ̀ kusṹkù do tɑ wè kòò kɑ̀ri kɛ ɑ̃ tiyɑɑ̀sɑ̀ɑ̀tì, kòo yɛ̀mmɛ̀ wenkɛ, kɛ̀ kufɔ̃wɑɑ́ mbɛ̀ pĩ.
16Bɛ̀ɛ̀ do dɛ̀ bo kɛ yɑ̀ dɛ̀ɛ̀ dɔ̀ɔ̀, kɛ̀ bɛ̀ɛ bɛ̀ nɑ̀kɛ́ dɛ̀ dɔ̀ɔ̀mɛ̀ onìtì yɛbɔkɛ̀ tɑ wè, nɛ̀ dɛ̀ɛ̀ dɔ̀ɔ̀ yɛfɔ̃̀nkɛ̀.
17Dɛ mɔ̀nnì kɛ̀ bɛ̀ɛ bɑ́ntɛ̀ Yesu kɛ dɔ̀ wèe yɛ̀ bɛ tenkɛ̀.
18Yesu tɑti dìì mɔ̀nnì kudɑbɛkù onìtì yɛbɔkɛ̀ do tɑ wè kòo ò bɑ́ntɛ̀ kɛ dɔ̀ ò bo nhò nɛínɛ̀.
19Kɛ̀ Yesu yetɛ kóò nɑ̀kɛ́ kɛ dɔ̀: Kò nhɑ cĩ́ɛ̃̀tɛ̀ kɛ́nɑ́kɛ́ ɑ kɔbɛ ti Yiɛ̀ ndɑ dɔ̀ɔ̀ dɛ̀ɛ̀ kó dimɑ̀ɑ̀, nɛ̀ ò dɑ kuɔ́ mmɛ̀ɛ̀ botí mɛsémmɛ̀.