Lumu 14:8-12

⁸Tun ta Listra, duwán sábbad manubù na kapig na dì pakapanó tikud pa tun ta kapamasusu kandin.

⁹Igunsad sikandin asta igpaminág katô ágtinuruán i Pablo. Na, isóddóran i Pablo na igbánnal tô kapig na makému tô Manama makólì kandin. Purisu igsállág si Pablo kandin,

¹⁰asta igkagi sikandin ka mabákkár, na mà din, “Tindág ka!” Tigkô dád igtindág tô kapig, asta igpanó-panó.

¹¹Na, tô igkita tô duma mga manubù katô ilumu i Pablo, igkagi tô mga taga Licaonia ukit katô kandan kinagiyan, asta igpatawaré dan, na mà dan, “Sikandan tô mga manama na igpamanubù asta igsunnad dini áknita!”

¹²Igpanámdám dan na si Bernabe tô ágmanaman dan na si Seus, asta si Pablo tô ágsuguánnán i Seus na si Hermes, su si Pablo tô ágtinurù.