Luku 8:9-47

⁹Amage'ma nentaza disaipol naga'amo'za, ana fronka kemofo agafa'agu, nankna agu'agesa me'ne hu'za Jisasina antahige'naze.

¹⁰Agra anage huno zmasami'ne, tamagra Anumzamofo kumapi oku'azana nentahize. Hianagi mago'amo'za fronka kege nentahize. Ana nehu'za, kegahazanagi onkegahaze, antahigahazanagi antahise huza agafa'a antahi amara osugahaze. (Aisa 6:9-10)

¹¹Ana fronka kemofo agafa'a amanahu me'ne. Ana avimazana Anumzamofo ke me'ne.

¹²Hanki mago'a avimaza kamofo ankinare evurami'neana, Anumzamofo kema antahinaze. Hianagi aru zamentinti nehu'za so'e hu'za mni'zanku, Sata'a eno zamagu'afinti ana kea emeri atre'ne.

¹³Hanki mago'a avimazana havege mopafi evurami'neana, Anumzamofo kema nentahi'za muse huza eri'nazanagi, rafuna ore'naze. Osi'a knafi zmentinti nehu'za, rezmatga'zama ege'za traka hu'za atre'za nevaze.

¹⁴Hagi ave'ave trazampima evurami'nea avimzana, Anumzamofo kea antahi'naze. Hianagi zamavufamofo zavamesi zankuke nehu'za, mopafi zanku antahintahi hakare nehu'za, fenoma eri'za mni'zazmima eri so'e hanaza zankuke antahintahi hakare nehazageno, anazamo kintrako hige'za, rga renontaze.

¹⁵Hianagi tima'ane mopafima rurani'nea avimzana, Anumzamofo kea e'i anamo'za antahite'za azeri antrako hu'za, tamage hu'za fatgo zmarimpareti nena raga'a rente'za kazigazi hu'za nevaze.

¹⁶Mago vahe'mo'e huno tavira rekru huno, kavofi runkni rentege, sipa kampina antege nosaze. Hianagi tavira amate ante'nazageno remsa hu'negeno, nompima efraza vahe'mo'za negaze.

¹⁷Na'ankure mago'zamo'a fraoki'nigeno, oku'ama me'nesiazamo'a magore huno frara kino omne'nenige'za onkegahaze. Hanki eama masare hanige'za maka vahe'mo'za kegahaze.

¹⁸Ana hu'negu kva hu'neta antahi ankereho, iza'o mago'ama eri'nenimofona mago'ane amigahie. Hianagi iza'o e'orinenimofona, eri'noe huno agesama antahisiama'a, anama'a hanare vga regahie.

¹⁹Jisasina nerera'ene agnahe'zane agritega e'naze, hianagi zamagra tvaoma'arera ovu'naze. Na'ankure tusi'a vea mani'nazageno'e.

²⁰Ana higeno Jisaina asami'za, negarera'ene kaganahe'za kavega ante'za megi'a otine'za kagenaku nehaze hu'za asami'naze.

²¹Hianagi kenona zimirera anage huno zmasami'ne, nenrera ene naganahe'za, Anumzamofo ke'ma antahi'za amage'ma nentamo'za mani'naze.

²²Mago zupa Jisasi'a amage'ma nentaza disaipol naga'ane ventifi mrenerino anage huno zmasami'ne, timofo kantu kaziga vanune hige'za vu'naze.

²³Ana hu'za nevazageno, Jisasi'a avu mase'negeno, tusi'a zaho'mo eramino timofona eri kranto kranto nehuno, ventefi mrerino erinakriza nehige'za zmagogofene.

²⁴Zamagra Jisasina eme azeri oti'za anage hu'naze. Ramoke, Ramoke, tagra tinakrita fri'za nehune hazageno, Jisasi'a otino zahoku'ene kranto kranto nehia timofona kesigeno, timo'a rurava he'ne.

²⁵Anante Jisasi'a anage huno amage'ma nentaza disaipol nagakura zmasami'ne, tamentintia iga me'ne? Hianagi zamagra zmagogo nefege'za antri nehu'za, zamagra zamagra anage hu'naze. Iza'e ama nera Agra tine zahomofonku enena ke higeno amagera nenta'e?

²⁶Ana hutege'za zamagra venti eriza Geresa mopafi kantu kaziga Galili timofona vu'naze.

²⁷Anante uhnati'zageno Jisasi'ma ventefinti takau reno uneramigeno, ana kumateti mago nera havi avamu'mo agu'afi fre'nea ne'mo eme tutagiha hunte'ne. Ana ne'mo'a zaza knafi kukena'a nosuno, nompina omanine. Hianagi vahe asenentaza havegampi nemniane.

²⁸Ana nemo Jisasima negeno'a, avuga eme traka humaseno, ranke huno anage hu'ne, Jisasiga Mrerisa Anumzamofo mofavremoka nataro! Keke hugantoanki nazeri havizana osuo!

²⁹Na'ankure Jisasi'a ko ana agru osu havi avamukura ana nemofona atrenka atiramio huno hanave ke hunte'negeno'e. Ana havi avamumo rama'a zupa retufenetregeno, ana kumate vahe'mo'za agiare azante seni nofinu anakinte'za kavagri'za mani'nazane. Hianagi ana ne'mo'a, nofira rukno hunetregeno, havi avamumo'a avreno ka'ma kotamimpi vu'ne.

³⁰Anante Jisasi'a anage huno antahige'ne, Kagika'a izage? Ana ne'mo anage hu'ne. Nagini'a hakare'mone. Na'ankure rama'a havi avamu agu'afina maninegu hu'ne.

³¹Ana agru osu havi avamumo'za hu'za, keke hugantonanki hanave kea hurantegeta ro'a omane kerifina ovamneno hu'za hu'naze.

³²Hagi rama'a afutamimo'a agonamofo asoparega ne'za nene'za mani'nageno, havi avamumo'za zamatresige'za vnagu Jisasina keke hunte'za, tataregeta antu afu tamimofo zmaguafi uframneno hu'za antahigageno, knareki viho huno huzmante'ne.

³³Hanki havi avamumo'za ana ne'mofo agu'afinti atirami'za afu'mokizmi zmagu'afi ufrage'za, agonaregati zmagare'za zavateti tirupi takauramiza ti nakri'za fri'naze.

³⁴Afu kva vahe'mo'za anazama fore hiaza nege'za, koro fre'za ra kumate'ene osi kumate'ene vu'za, anama fore hiazamofo kea ome zmasami'naze.

³⁵Anazama hiazanku vahe'mo'za ome kenaku Jisasinte e'naze. Zamagrama eme kazana, havi avamuma atirami'nea nera Jisasi agafi kukena huno knare antahintahi erino maninege'za eme nege'za koro hu'naze.

³⁶Anazama fore hige'za ke'naza vahe'mo'za, inaknahuno ana havi avamuma agu'ama fre'nea nera azeri so'e hunte'ne. Ana agenkea onke'namokizmi zmasami'naze.

³⁷Anante maka Gesarin vahe'mo'zane, ana kaziga mani'naza vahe'mo'za hanavetiza, tatrenka vuo hu'naze. Na'ankure zamagra tusi zmano vazige'ze. Ana hazageno Jisasi'a ventefi marerino zmatreno ete vu'ne.

³⁸Havi avamu'mo'za atirami'nea ne'mo atresigeno avaririno vanigu antahige'ne. Hianagi Jisasi'a ana nera hunenteno anage hu'ne.

³⁹Kuma ka'arega ete vunka, Anumzamo'ma huganteazana vaheka'a ome zmasamio huno Jisasi hiazanku, rukrehe huno ran kumapi nevuno, maka vahera knare'za huno azeri so'ema hunte'neazana huama huno zmasamino vu'ne.

⁴⁰Anantegatima ete Jisasima egeno'a, tusi'a veamo'za muse hu'za avre'naze. Na'ankure zamagra avega ante'za mani'nazaretire.

⁴¹Anante Jairusi'e nehaza ne'mo osi mono nomofo kva nekino, Jisasi agiafi eme rena reno noma'afima esigu tutu huno antahige'ne.

⁴²Na'ankure 12fu'a kafunaza hu'nea magoke mofa'amo, fri'za nehigeno hu'ne. Jisasi'ma kantegama nevigeno, hakare vea'mo'za oretufe aretufe hu'za vu'naze.

⁴³Anampina mago ara 12fu'a kafu zgefi korankria eri'nea a' mani'ne. Hianagi mago vahe'mo'e huno ana ara azeri so'e osu'ne.

⁴⁴Ana a'mo Jisasina amefigati zaza kena'amofo atumpare eme avako higeno, ana korankrimo'a ame huno vgarente'ne.

⁴⁵Anante Jisasi'a zmantahigeno, iza navako hu'ne? Hige'za zamagra onke'none hu'za hazegeno, Pita'a huno kva nimoka, tusi'a vahekrefamo'za rugagagiza kavate rentrako hu'naze.

⁴⁶Hianagi Jisasi'a anage hu'ne, magomo navako hu'ne, na'ankure Nagripintira mago'a hanave'nimo'a natreno vu'negena nehue.

⁴⁷Ana a'mo'ma keno antahinoma hiana, frakigama nosuno'a ahirahi neregeno avuga eme traka humaseno, eme avako higeno, kri'amoma ame huno vgarente'nea kea maka vahe zmasami'ne.