Text copied!
CopyCompare
BUKU BAEPOLE - Luku - Luku 1

Luku 1:52-59

Help us?
Click on verse(s) to share them!
52Kiŋi kareyami dupwa pyao mee inginyi pyambwapala inyimungu petenge dupwa nyuo ketae pyambuya.
53Wambu lopo karaminyi dupwa baame sikya pinya lao nenge keyange maingi. Dopa pyuo bange malu retenge dupwa kaepala pendewa inginyi nembo pena lenge.
54Kondo sakao pyakaro leya kande doko suu pyao karo banya yulu pingi Isaraele wambu dupwa nyiso karenge.
55Baame namwana rakange kyawa Aporakame kandowa, banya ree palu wai kiso nyera ingilyamo dupwa kandowape yuu rakyame kaeya nao nyiso kararo lao, lalu lao leyamuli pyuo pingi, leya Mariame.
56Lapala Maria Ilisapetapa kana remale role pyao peteyambi. Enakana kaepala anda peya.
57Ilisapetame wane manjira ingiyamo yuu gii doko pyaka siyamopa wane mende mandeya.
58Dokopa wambu repeta palenge dupwape banya palu dupwape Kamongo dokome enda baa kando kondapala yulu andake pyakamipyalyamo lao sepala baa role pyao rae maiyuo kareyami.
59Yuu mange lama karo epo papeyamopa wane doko yongo yanenge awali lao pyakepanyi nembala epeyami. Epapala rakange kingi Sakaraya lenge dokona wane dopako kingi Sakaraya lalana piyami.

Read Luku 1Luku 1
Compare Luku 1:52-59Luku 1:52-59