Luku 13:13-31

¹³Nehuno ana a'mofo agofetu azana antegeno, ame huno ana kriamo'a vgaregeno oti fatgo nehuno, agafa huno Anumzamofo agi erisaga hu'ne.

¹⁴Hianagi osi mono nonte kva ne'mofona rimpa he'ne. Na'ankure Jisasi'ma manifru knazupa (sabat) ana a'mofo eri so'e hunte'negu, maka veara amanage huno zamasmi'ne. 6si'a eri'za eneruna kna me'negu, tamazeri so'e hanie hanutma, e'i ana knafi egahaze. Hanki mni fruhu (sabati) knazupa tmazeri so'e hanie hutma omeho.

¹⁵Hianagi Ramo'a ana kenona'a anage'a huno asami'ne, tamagra tavre vahe mani'naze. Makamotma mni fruhu (sabat) knazupa burimaka tamifi, donki tamimofona kegina zmifinti ti nesnagu katufeta zmavareta novazo?

¹⁶Hanki ama ara Abraha mofakino, Sata'a zaza kna 18ni'a kafuzgefi kina rentegeno mani'nege'na, mni fruhu (sabat) knazupa katufe netrogeta, mni fruhu knagi anahura osuo hutma nehazo?

¹⁷Anagema nehigeno'a, ke ha'ma rentaza vahe'mo'za zmagazegu nehazageno, maka veamo'za hirozantfama hu'neazankura muse hu'naze.

¹⁸Anante Jisasi'a amanage hu'ne, Anumzamofo kumara inankna hu'ne? Nazante avame kea huntena hugahue?

¹⁹Masteti zafamofo raga'a, osi raga'a me'negeno, mago nemo erino hoza'afi krigeno hageno ra zafa segeno, hare'za vanoma nehaza nmamo'za azankunate no zmi eme kizankna hu'ne.

²⁰Mago'ane Jisasi'a anage huno hu'ne, Nazante avame kea Anumzamofo kumakura huntena hugahue?

²¹Amanahu kna hu'ne, mago a'mo sikoni krenaku rama'a flauapi, osi'a zisti herafinteno eri havia huntegeno, ana mikaflauamo zonerea kna hu'ne.

²²Anage huteno, Jisasi'a ranra kuma'tamimpine, osi kuma'tamimpi ufreno rempi huzamime Jerusale vunaku nevigeno,

²³mago vahe'mo amanage huno antahige'ne, Ramoka Anumzamo'ma zmaguma vazi'nea vahera osi'a mani'nafi? Jisasi'a anage huno zmasami'ne.

²⁴Osi kafantema ufrenakura hanavetita ufreho. Na'ankure rama'a vahe'mo'za osi kafanteti ufrenakura hanazanagi, uofregahaze.

²⁵Nomofo nfa'amo otino kafa erigina, kafante eme otineta vagre vagre nehuta, Ramoka kafa anagiranto! Hanageno ana ne'mo'a huno, igati vahe mani'naze, tamagrira ontmage'noe huno hugahie.

²⁶Hanigetma tamagra anage hugahaze. Kagrane magopi mani'neta ne'zane, tinena neneta kumatifi rempi huraminketa antahi'nomota neone hanageno,

²⁷Nagra ontamagenoanki, igati vahe mani'naze, Kefozanke hu vahe'mota amafintira manigneho huno huramantegahie.

²⁸Anampina zavira neteta tmavera anikreki nehuta, Abrahamune Aisakine Jekopune, maka kasnampa vahera Anumzamofo kumapina kegahaze. Hu'neanagi tamagrira tamasgafetrena megi'a manineta krafa hugahaze.

²⁹E'ina hanigeno maka veamo'za zge hanati kazigati'ene, zge fre kazigati'ene, ruga raga soparegati'ene Anumzamofo kumapi eme eri atru hu'za zmaza tununte (recline) manigagine'za ne'za netrate ne'zana negahze.

³⁰Hanki henka mni'nenaza vahe'mo'za ugota hanageno, ugota hu'nenaza vahe'moza uhenkategahaze.

³¹Anagema nehigeno, Farisi vahe'mo'za e'za amanage hu'za Jisasi asmi'naze, atrenka amafintira ru kaziga vuo. Na'ankure Heroti'a kahenaku nehie.