6Doa Yesus unna, yimba kamba ningminivrava espetava, wo yena nengavnangva maim ora, sahaikw, homeista, wo yimba kanapopol mendekliandrava vivra. Yimba osva utava, ti velavhoao petharini, wanplombra lohvhoa, wo timba wohvelavhoavav, verava, wanplombra vilundthoa.
7Yimba andranindrinimba waiavrava, yena osondra sipsipandra noi vevra. Doa himba andra vaomana verava, vepiarava, doa deuvram pro, yimba hemba omnavavma, osva lelnam sihao, avhoao, kava yem dahwolm vev? Owai, yimba os omnavav hemba, yeoa pora daloho, pikian besal vewol veo, kana innesowa veo. Doa kava nepiarava, daha yeoa os neo. No yena andranindriniva vepiarava, nomba temba yimba omnavpa, yimba es esesmba omnavav hemba, owai.