7Pwu veni pagati paliume, uvialinumbombi uveilema ikhyalo au uveidema igo'si, uveikhumbula wa humile khukyalo, inchaga nambivi utame ulye ikhyakhulya?
8Sakhambula, 'nelekhele ikhyakhulya nilye, pwu vikhuge utivo umbombelage impakha apya ni mala ukhulya nu khunywa. Pwa apo nayuve wilya nu kunywa?
9Sakhasane umbombi uywa ulwakhuva avombile nchila inchavuliwe?
10Vule vule nayumwe mughavombe inchomuvuliwe munchovage 'ufwe twevavombi twisatunogelanile. Tuvombile nchila inchonchikhano gelanile ukhuvomba.'
11Yakhumile wu ilota khuyerusalemu, agendile mundupakha ulwa khusamaria na khugalilaya.
12Avile ikhwigela mumbonchege vumo, ikhwa aagine na vanu khinchigo avuvale nuvukoma. Vakhima khuvutali
13Vakhapwata vakhata “Yesu, Nkhuludeva tukholele ikhisa.”
14Avile avawene akhavavula, “Mlutage mkavonekhe khuva vatwa makhuhani.”Navene vavile viluta vakhavalanchiwa.
15Yumo avileaponile, akhiliwike khukhuginia U Nguluve.
16Akhafugama mumalunde ga Yesu akhademya. Umwene ale Samaria.
17U Yesu akhanda, akhata, “Savaponole voni khinelugo? Valendakhu avange vala tisa?
Lukha 17
Lukha 17:7-17