Luke 1:46-79

⁴⁶Nau Mare hanaāenehede, Navadathuwu hauwaunehāde Vahadāhenith,

⁴⁷Nau navadathuwu neethajaudaunaude Hejavaneauthu Nānayauhāde.

⁴⁸Hanau nedaugauhauwaude hadavenuhuhau hedaununaunau: hanau, naune, hewaunehaa heejasesee vahee henaededaunau hauwunaunade hadnethanau.

⁴⁹Hanau hena Naunaudāde vanasaunee hayauhuhau hasehānau; nau vadanaunee heneseede.

⁵⁰Nau nauwunaunaude henee headaunādaunau henajāthee henaedede nau nausunee henaedede.

⁵¹Nenauhauthethāde hedāahede hejadenaa; neneāsauaunaude hesāethajauhuhau hedāhene.

⁵²Nejananaude naunaudāhenethe hehethee hetheaugudaunene, nau nejejenanaude hadavenuhuhau.

⁵³Negaudauhaude hasenahehau nauguu hethadenee; nau nethauyādahehehau negudanaude jessaa.

⁵⁴Nenedahewaude heau Israel, nedauyewuwude hedauwuyau;

⁵⁵Neesenehethaude havasevāene, Abraham nau hedāeyaunewau jethauujenee.

⁵⁶Nau Mare haenedauguva hanāenethe hesese heee, nau hanaāejaehaude nehayau hedauauwuu.

⁵⁷Wauhā Elisabeth hanaāevadauaudaude hadneejanesāde; nau hanaāeahede.

⁵⁸Nau henedaudevādaunau nau henethesaunau haenedauwauthaa hasauwunaunāde Vahadāhenith haenauhauthehaa vanasaunee hauwunaunadede, nau haenetheneethajauvaa.

⁵⁹Nau hethauwuu, henee hāenasaudauchunesee haejenauusanauau hadgauguusenith dāeyaunauau; nau haeadethanauau Zacharias, thauguu heneseedaunin henesaunaune.

⁶⁰Nau henaune hegau, hāheyaugaune, Jaun hadnethade,

⁶¹Nau hathauhaugaunee hehauwuseenauau hādauānauau nuu neseede,

⁶²Nau haevathasauwunanauau henesaunaunin, haadeneseenethe.

⁶³Nau haenaudede dasewauthaunauha, nau haewauthaunauhā, Jaun haseede, hahagu. Nau haunauude haegaugauuthajaudene,

⁶⁴Nau haegaunadenanauau, nau henethaune haegauchauunauaune, nau hanaāanadede, nau haevaveenethedauna Hejavaneathu.

⁶⁵Nau nāthajaude haeedasā haunauude henee hathāeauchaunauthee: nau vahee nuu nehedaunau haegaugauudedaune jedauwuu hathāauau jauaudanenauauwuu Judea.

⁶⁶Nau yahee hathāenedauvade haejenanauwu hedahenauau, haudduthā naa dāeyaunaa, hahagaunee? Nau hejadenene Vahadānith haeanedaudaunaa.

⁶⁷Nau henesaunaune Zacharias haeechauchaunaudene Vadanauwauthauwu, nau haeaeyānautheda,

⁶⁸Vaveenethedaunaa Vahadāde Hejavaneauthau Israel; hanau haenauujāda nau daujauaudaunaudauau hedenanedanede,

⁶⁹Nau thauwaudanaude henenese hadnenayauhānauau jedauwuu hedauauwunene hedaununaune David;

⁷⁰Dau nausunanadede hedenaa Hevadanaeyāhewau neenaedenethe hāejeenaedenauau:

⁷¹Henee hadnenanedanenauau hehethe haujauthavene, nau hehethee hejadenaa vahee hāthāasānavādaunene;

⁷²Hethauwuu hauwunaunadede nesayānāedauwunaude havasevāene, nau hadnedauyewuwude Hevadanenesedauwau;

⁷³Deneauwauhude yesee havasevāene Abraham,

⁷⁴Henee hadvenānauau, jenāthajaude hehethee hejadenene haujauthavene hadnenayauhānauau hadnevevethedaunaunauau.

⁷⁵Nauguu vadanaunee nau chuwuu hathaāhede, vahee hesee hadenaededaunene.

⁷⁶Nau nananin, dāeyaunaa, haeyāhe Hejavaa haudnethane: hanau nananin hadnedauwaudauwu Vahadāde hadnesaanudene hevaunaa;

⁷⁷Hadvāde haeyaude hadnenanedanedaunee hededane hadjaegudanauwunaude hewauchudaudenenenau,

⁷⁸Hehethee havathee hauwunaunadede Hāsaunaunene; nanaa Naugusaje hehethee hejavaa hadnenauujādaunānauau,

⁷⁹Hadvenaude hesee hathāetheaugunethe hadauveeyaunee nau hadaudugauyāsaa gaujauaudahede, hadnedauwaudauau hauauthene hesee hadaudādauyaunee.