Luke 10:2-24

²Wa a hla ni bawu, ichan a gbugbu'u, in bi tie du'a ba fi me, bre Irji ndi dubi tie ndu'a ye.

³Mi toh yi, hi na mri krju ni mi meme in'ma miji.

⁴Na ban nbu nklen na, ko mbu nklonna, ko lagban zan na, na chi ndrjo ni nkon na.

⁵Du ikoh wa bi ri'a, bika guci tre du si suron du he ni koh yi!

⁶Idan ni koh yi, inde ndji “U sun si suron a he ni mi, si suron ka son ni nituma. Idan ana he si suron bi ka huye ye kpambi.

⁷Bi son ni koh wa ba kpa yi, bi rie ndi so kpe wa ba no yi'a, don ndji wu titu ani kpa ya ma, Na hu ni koh ni koh na.

⁸Du gbu wa bi ri, ide ba kpa yi, bi ri ndi sokpe wa ba no yi,

⁹Be no bi lilo si. Di hla ni bawu ndi, ivi u ye Irji a tie whewhre.

¹⁰Du gbu wa bi ri, u bana kpa yi na, bi ka rju hi ni nkon,

¹¹Di tre ko wru zah mbi, ki se sruni yuu. Bi ka toh ndi iye Irji tie whewhre.

¹²Mi hla ni yiwu ni vi kima u ye, ani he ni ya ni gbu kima zan Sodom.

¹³Iyame Korazin, iya me Betseida, da iri kikle du a ba tie ni Tyre mba Sidon, bana kpa Irji ni sen mu, da ta sru gbanjan nklon nda son nitoh lu.

¹⁴Chachu bla tre ani bini Sidon mbaTyre.

¹⁵U kapanawum, u ya ndi wu, u rhi ni shulu? ba nji grjiye yo ni Hades.

¹⁶Indji wa awo yi, a wohme kena, indji wa a kama ni yi'a, a kama ni me wa mi ton yi.

¹⁷Wlon nkpu tangba ba k'ma ye ni kinkla suron, nda ni tre Bachi, Ibrji me ba kujoku nitawu nimi nde me.

¹⁸Yesu ka tre mi si ya Ibrji a joku rji ni shu na kpan.

¹⁹Toh mi no yi gbengblen du yi chan iwan baba ilan, nitu bi gbengblen bi kra ta.

²⁰Na ngyiri ndi ibrji ba joku ni yiwu na, ngyiri ndi ba nha inde mbi ni shulu.

²¹Ni nton kima'a a grji ni Ruhu ndindi, nda tre, Me zu inde me Timbu Bachi ni shu, ni u gbungblu, don u wru kpi bi hle ni bi wandi ba bu shishi nda to ndi, di tsro bi wa bana hla ni bawu na, na mri bi klekle, abi ni shishi tie mu.

²²Tie mu a vu kpi ba wawu sru mu niwoh, ba ndji wa a toh Vren'a, se Iti ma, ba ndji wa a toh Iti'a se Vren'a, wandi Ivren a kpanyime nda ni tsro Ti'a.

²³A kma hi ni mri koma ni ka grji ba, nda tre bi wa ba tie lulu yo ni bawu'a nda toh kpe wa bisi tie'a.

²⁴Bi tie ndu Irji baba bi chu gbugbu ba ndi ba toh kpe wa ndi bi si toh, “u” bana toh na. Ba ndi ba woh kpe wandi bisi woh, bana woh na.