Lukas 22:56-65

⁵⁶Mürin eman chon angang fefin a küna Petrus pwe a momot ikenan ünükün ewe ekkei, a newenewen ngeni o üra, “Ei mwän a pwal eti Jesus.”

⁵⁷Nge Petrus a amamäsini o üreni, “Fefin, ngang üsap silei ätewe.”

⁵⁸Ekis chök fansoun mürin eman mwän a pwal esilla Petrus o üreni, “Pwal en eman leir.” Nge Petrus a pölüeni, “Mwän, ngang sap eman me leir.”

⁵⁹Ina epwe eu awa mürin, eman mwän a pöchökül le üra, “Enlet, ei mwän a pwal eti Jesus, pun pwal i eman re Kalilea.”

⁶⁰Nge Petrus a pölüeni, “Mwän, ngang üsap silei mine ka kapas usun!” Iwe, lon ewe chök otun, lupwen Petrus a chüen kakapas, eman chuko a kökkö.

⁶¹Iwe, ewe Samol a kul o newenewen ngeni Petrus. Iwe, Petrus a chechemeni pwe ewe Samol a fen üreni, “Mwen än ewe chuko epwe kökkö lepwinei, en kopwe amamäsiniei fän ülüngat.”

⁶²Iwe, Petrus a feila lükün o a fokun kechü.

⁶³Iwe, ekewe mwän mi mamasa Jesus ra turunufasei o wichi.

⁶⁴Ra finitala won mesan o aisini, “Iö a wichiik? Kopwe esilla.”

⁶⁵Ra pwal apasa ngeni chomong kapasen turunufas.