Lukaj 22:3-19

³A Jatan tilon on Iudaj me adaneki Ijkariot, me kijan ekriamen ko.

⁴I ari koieila ren jamero lapalap o jaumaj akan, kalelapok duen a pan panalan ir i.

⁵Irail ari peren kida, wiaki eu en ki on i moni.

⁶I ari inauki on irail, o raparapaki, duen a pan panalan ir i jo moromoron.

⁷Ran en prot jomut ap leler, anjaun kamela paja.

⁸I ari poronela Petruj o Ioanej majani: U kowei, kaonopadan kitail paja, pwe kitail en mana.

⁹Irail idok re a: Ia waja, re kotin kupura, jen kaonopada?

¹⁰A kotin majani on irail: Kilan, koma lao pedelon kanim o, aramaj amen pan tu on koma, me wa pakit en pil eu, idauen i nan im o, me a pedelon on lole!

¹¹Koma ap indan kaun pan im o: Jaunpadak o majanie don komui: Ia pera en kairu, waja I pan mana paja ia ianaki ai tounpadak kan?

¹²I ari pan kajale on koma weip poa eu, me audeki men momod, i waja koma pan kaonopada!

¹³Ira lao koieila, ap diarada, duen a kotin majani on ira; ira ap kaonopada paja.

¹⁴Auer lao leler, i ap kaipokedi ni tepel o wanporon ekriamen ian i.

¹⁵I ap kotin majani on irail. I anane melel ian komail mana paja wet mon ai pan kalokolok.

¹⁶Pwe I indai on komail, I jolar pan kan jan met kokolata, a lao kapunala nan wein Kot.

¹⁷I ari kotikida dal o laolaoki ap majani: Ale met, nek nan pun omail!

¹⁸Pwe I indai on komail, I jolar pan nim jan kijan wan wain, wein Kot lao pwaidar.

¹⁹A kotin limada prot, laolaoki o pilitiki pena, ap kotiki on irail majani: War ai metet, me panalan komail! Komail en wia me wet, men kataman kin ia.