Luka 4:15-41

¹⁵Thaj sikada ane lenđe sinagoge, thaj savore šukar lestar vačarde.

¹⁶Thaj avilo ano foro Nazaret kaj barilo, ko savato palo adeti piro đala sa ani sinagoga, thaj uštilo te čitil.

¹⁷Thaj dije le o Lil e prorokoso e Isaijaso, putarda o Lil thaj arakhlja than kaj sasa pisimo:

¹⁸“O Dux e Rajoso si pe mande, golese kaj pomazisada man thaj bičhalda man te anav o Lačho lafi e čororenđe, te vačarav e phanglenđe kaj ka aven oslobodime, thaj e korenđe kaj ka dičhen, thaj e mučime ka aven mekhle,

¹⁹te vačarav taro lačho berš taro milost e Rajoso.”

²⁰Thaj phanglja o Lil thaj dija e slugase, pale gova bešlo. Thaj savore ani sinagoga dikhlje ane leste:

²¹Thaj o Isus lija te vačarol lenđe: “Avđive, kava so šunden taro Lil pherdilo”.

²²Savorenđe sasa šukar, thaj sesa bahtale kale šukar lafesa so iklilo andaro leso muj, thaj pučlje pe: “Naj li kava e Josifeso čhavo?”

²³Thaj o Isus vačarda lenđe: “Čače, tumen manđe ka vačaren kaja poslovica: 'Lekarona, sastar korkore tut!' So šundam kaj čerdan ano Kafarnaum čher i kate ane ćo than kaj bariljan.'”

²⁴Tegani vačarda: “Čače vačarav tumenđe, nijekh proroko naj manglo ano po than kaj barilo'.”

²⁵A čače vačarav tumenđe: “But đuvlja kase roma mule sesa ano Izrael ano vreme e Ilijaso kana o bršind ni pelo trin berš thaj šov čhon thaj sasa baro bukhalipe pe sa i phuv.

²⁶A o Ilija ni sasa bičhaldo nijekhače lendar, sasa bičhaldo ke abanđijengo foro Sarepta pašo Sidon ki jekh đuvli kaso rom mulo.

²⁷Thaj but sesa gubava ano Izrael ko vreme e prorokoso e Jelisijeso, thaj khoni ni thodilo lendar, nego thodilo o Neman Sirijanco.”

²⁸Thaj savore ani sinagoga pherdile holi kana kava šunde.

²⁹Thaj uštile thaj tradije le avral taro foro, thaj inđarde le ko brego najuče kaj sasa čerdo lengo foro te čhuden le odupral natele.

³⁰A o Isus nakhlo maškar lende, thaj đelo pire dromesa.

³¹Pale gova, o Isus ulilo ano Kafarnaum ano foro Galilejsko, thaj sikada ko đive e savatoso.

³²Thaj čudisajle lese sikaimasa, golese kaj leso vačaripe sasa zuralo.

³³Gothe ani sinagoga sasa manuš ane kaste sasa melalo dux e demoneso, thaj dija vika:

³⁴“So manđe amendar, Isuse taro Nazaret? Aviljan li te mudare amen? Đanav ko san tu: Sveco e Devleso!”

³⁵Thaj o Isus dija vika pe leste: “Phande ćo muj, thaj iklji lestar!” Thaj perada o demono e manuše angle sa e manuša, thaj o demono iklilo lestar, thaj khanči ni čerda lese bilačhe.

³⁶Thaj ane savorende avili i dar thaj čudisajle, thaj jekh averese vačarde: “Save si kala lafura! Ano autoritet thaj ano zuralipe vačarol e melale duxurenđe te ikljon, thaj von ikljen!”

³⁷Thaj đelo o lafi lestar ane sa e pašutne thana.

³⁸O Isus uštilo gothar andari sinagoga thaj avilo ano čher e Simonese, a e Simonese sasuja sasa la bari groznica, thaj rodije lestar te vazdol la.

³⁹Thaj o Isus ačhilo paše late, pretisada e groznicaće, thaj mukhlja la. Sigate uštili thaj kandija len.

⁴⁰Thaj kana pelo o kham, savoren save sesa len nasvale tare sa đi jekh nasvalipe andelen angle leste, a vov pe savorende čhuta pe vasta, thaj sastarda len.

⁴¹Thaj e benga iklile tare pherdo thaj dije vika thaj vačarena: “Tu san o Čhavo e Devleso!” Thaj darada len te ma vačaren khanikase golese kaj đanglje kaj si vov o Hrist.