Luka 3:6-13

⁶buluma gamagaridi Eaubada ena abihemauri abo se ita.”

⁷Moutuadi se laoma bena i hebapatisoidi i heribadi, i ene, “Mota nanatudiyao e, eai i ribahesanapuemiu baaea lailai ne au dagogabaei?

⁸Nuabui aniodi au hemasarahadi, tabu emi nuatu au ene, Tamamai ede Aberahama: ea heribamiu, ea ’ne, Eaubada abina i atao bena teina we’u ta aridi eai Aberahama nanatunayao i hetorodi.

⁹Huia ta ilama se toreyao oeagi lamdi eai, oeagi gamagaridi aiaidi lolodi nige se toredi abo se oiheguridi, se gabalaedi oeagi alaalasi boeana eai.”

¹⁰Tatao ia se oimurini, si ene, “Saha abo ai abi?”

¹¹Arinadi i heuio i ribalau aridi eai, i ene, “Ia pereue labui i abidi abo i mosei tau nige enana arinai; eo ia aiai i abi, ena abi hinage doha ede.”

¹²Takisi tautano hinage abo se laoma bena se hebapatisoidi, se ribalau ia arinai, si ene, “Tanuagamai e, ai saha abo ai abi?”

¹³Ie ribalau aridi eai, i ene, “Gogo maisana duduraina mo au tanoi.”