LUKA 3:6-13

⁶Wanthu wentse an'dzawona mpulumusi wa Mulungu.

⁷Ndipo Juwau akhawauza wanthu wale omwe akhafuna kubatizidwa aciti: Nandi wana wa nyokamwe! Kodi mbani wakuuzani kuti muthawe nyathuwa yomwe iri kubwerayo?

⁸Citani bzinthu kuti bzilatize kuti mwaleka bzakuipa bzanu cadidi! Lekani kunamizana kuti ndimwe wana wa Abramuau. Tsono ine ndiri kukuwuzani kuti Mulungu angasanduse minyalayi kuti ikhale wana wa Abramu.

⁹Nakuti mbadzo idakondzekera kale kuti igwate mizi ya miti, thangwe muti uli wentse omwe un'bala lini bzisapo bzabwino, un'dzagwatidwa uciyeseredwa pamoto.

¹⁰Ndipo wanthu azinji akham'bvundza aciti: “Kodi tsono ticite tani?”

¹¹Ndipo iye adawatawira aciti: “Ule omwe ana bzakubvala bziwiri mbaapasembo cibodzi omwe alibe, na ule omwe ana cakudya mbaacitembo bzibodzi-bodzibzo.”

¹²Adabwerambo anyakupimisa mtsonkho kuti adzabatizidwembo, ndipo iwo adam'bvundza kuti: “Misiri, kodi ife-panombo tin'cite tani?”

¹³Iye adawatawira aciti: “Lekani kupimisa bzizinji kuposa bzomwe mwauzidwa.”