Luka 3:10-36

¹⁰Yamaan yi a maxɔdin, e naxa, “Nxu nanfe ligama na yi?”

¹¹A yi e yabi, a naxa, “Doma firin naxan yii, a xa keden fi gbɛtɛ ma se mi naxan yii, donseen muxun naxan yii, a xa a yitaxun.”

¹²Mudu maxinla ndee yi fa alogo e xa rafu igeni e tubi xinla ma Ala ma, e yi a maxɔdin, e naxa, “Karamɔxɔ, nxu tan nanfe ligama?”

¹³A yi e yabi, a naxa, “Ɛ nama seen maxili dangu a danna ra.”

¹⁴Sofana ndee fan yi a maxɔdin, e naxa, “Nxu tan go? Nxu nanfe ligama?” A yi a fala e xa, a naxa, “Ɛ nama gbetin ba muxune yii fangan na hanma wuleni. Ɛ wasa so ɛ saranni.”

¹⁵Yamaan yi e yigin sa fɔlɔ Yoni yi. E yi mirixi a ma fa fala Alaa Muxu Sugandixin na a ra.

¹⁶Nanara, Yoni yi a fala e birin xa, a naxa, “N tan ɛ rafuma igen nin, koni naxan sɛnbɛn gbo n tan gbeen xa, na fama, n tan mi sa lan nɛn n findi a sankidi fulunna ra. Na ɛ rafuma Alaa Nii Sariɲanxin nun tɛɛn nin.

¹⁷A segedenna a yii, a maali fe, a yi a sa sagan kui, koni a se dagin sama nɛn tɛɛ tutareni!”

¹⁸Yoni yi Alaa falan Xibaru Faɲin nali yamaan ma maxadi kii wuyaxi yi.

¹⁹Koni Yoni yi Manga Herode sɔn ɲaxina fe fala, amasɔtɔ a bata yi a fafaxakedenna ɲaxanla Herodiyade futu e nun a mɔn bata yi fe ɲaxi wuyaxi liga.

²⁰Herode mɔn yi fe ɲaxi gbɛtɛ liga naxan dangu bodene ra, a Yoni sa kasoon na.

²¹Yamaan birin yelin nafuyɛ waxatin naxan yi, Yesu fan yi rafu igeni. Yesu yi Ala maxandima waxatin naxan yi, kore xɔnna dɛɛn yi rabi,

²²Alaa Nii Sariɲanxin yi godo a ma ganba sawurani. Fala xuiin yi keli kore, a naxa, “N nafan Dii Xɛmɛn nan i tan na. I bata n kɛnɛn ki faɲi.”

²³Yesu to ɲɛɛ tonge saxan sɔtɔ, a yi a wanla fɔlɔ. Yamaan yi mirixi a Yusufu a dii xɛmɛn nan a tan na. Heli nan ma dii yi Yusufu ra,

²⁴Mataha nan ma dii yi Heli ra, Lewi nan ma dii yi Mataha ra, Meliki nan ma dii yi Lewi ra, Yanayi nan ma dii yi Meliki ra, Yusufu nan ma dii yi Yanayi ra,

²⁵Matahisa nan ma dii yi Yusufu ra, Amosi nan ma dii yi Matahisa ra, Nahun nan ma dii yi Amosi ra, Esili nan ma dii yi Nahun na, Nagagi nan ma dii yi Esili ra,

²⁶Maati nan ma dii yi Nagagi ra, Matahisa nan ma dii yi Maati ra, Sɛmɛnni nan ma dii yi Matahisa ra, Yoseke nan ma dii yi Sɛmɛnni ra, Yoda nan ma dii yi Yoseke ra,

²⁷Yohana nan ma dii yi Yoda ra, Resa nan ma dii yi Yohana ra, Sorobabeli nan ma dii yi Resa ra, Selatili nan ma dii yi Sorobabeli ra, Neri nan ma dii yi Selatili ra,

²⁸Meliki nan ma dii yi Neri ra, Adi nan ma dii yi Meliki ra, Kosan nan ma dii yi Adi ra, Elemadan nan ma dii yi Kosan na, Eri nan ma dii yi Elemadan na,

²⁹Yosuwe nan ma dii yi Ere ra, Elisere nan ma dii yi Yosuwe ra, Yorimi nan ma dii yi Elisere ra, Mataha nan ma dii yi Yorimi ra, Lewi nan ma dii yi Mataha ra,

³⁰Simeyɔn nan ma dii yi Lewi ra, Yuda nan ma dii yi Simeyɔn na, Yusufu nan ma dii yi Yuda ra, Yonan nan ma dii yi Yusufu ra, Eliyakimi nan ma dii yi Yonan na,

³¹Meleya nan ma dii yi Eliyakimi ra, Mena nan ma dii yi Meleya ra, Matata nan ma dii yi Mena ra, Natan nan ma dii yi Matata ra, Dawuda nan ma dii yi Natan na,

³²Yese nan ma dii yi Dawuda ra, Obedi nan ma dii yi Yese ra, Boosu nan ma dii yi Obedi ra, Salimon nan ma dii yi Boosu ra, Naxason nan ma dii yi Salimon na,

³³Aminadabo nan ma dii yi Naxason na, Rami nan ma dii yi Aminadabo ra, Xesirɔn nan ma dii yi Rami ra, Peresi nan ma dii yi Xesirɔn na, Yuda nan ma dii yi Peresi ra,

³⁴Yaxuba nan ma dii yi Yuda ra, Isiyaga nan ma dii yi Yaxuba ra, Iburahima nan ma dii yi Isiyaga ra, Tera nan ma dii yi Iburahima ra, Nahori nan ma dii yi Tera ra,

³⁵Serugu nan ma dii yi Nahori ra, Rehu nan ma dii yi Serugu ra, Pɛlɛgi nan ma dii yi Rehu ra, Eberi nan ma dii yi Pɛlɛgi ra, Selaxa nan ma dii yi Eberi ra,

³⁶Kayinan nan ma dii yi Selaxa ra, Arapaxadi nan ma dii yi Kayinan na, Semi nan ma dii yi Arapaxadi ra, Nuhan nan ma dii yi Semi ra, Lameki nan ma dii yi Nuhan na,