Luka 24:10-19

¹⁰Mariyamu Makidalaka, ni Yahani, ni Yakuba na Mariyamu, a ni ie dafɔɲɔɔnilu le tɛrɛ, mɛnilu bɔra kaburu da la ka wa dantɛɛli kɛ keladenbailu yɛ.

¹¹Kɔni keladenbailu ma dantɛɛli wo jate. Alu ma la a la fewu.

¹²Hali wo, Piyɛri wulira ka ibori ka wa kaburu da la. A se mɛn kɛni ye, a ka imajii ka kaburu kɔndɔ mafɛnɛ. A ma foyi yen a kɔndɔ fo kansankɛ gbansan. A kɔndafilini ka ikɔseyi so kɔndɔ.

¹³Nba, wo lon kelen na, karanden fila bɔra Jerusalɛmu ka wa so do la, mɛn tɔɔ ko Emayusi. Wo so ni Jerusalɛmu tɛ ri kilo tan ni kelen ɲɔɔn bɔ.

¹⁴Ko mɛnilu kɛni, alu tɛrɛ ye barola woilu kan.

¹⁵Ka alu to barola, Isa nara ka imadon ie la. A ni ie wara iɲɔɔn fɛ.

¹⁶Alu ka Isa yen ie ɲa la, kɔni alu filiyara a ma.

¹⁷Isa ka ie maɲininka ko: «Ai tɛrɛ ye barola nfen de kan?» Alu ka ilɔ, alu fila nin nafinni ie ma.

¹⁸Mɛn tɔɔ ko Kilopasi, wo ka Isa jabi: «Ile kelen de lɔndanyala Jerusalɛmu yan mɛn i ma a lɔn ko mɛn ye taminna yan tele ɲin dɔ?»

¹⁹Isa ka ie maɲininka ko: «Ko su ɲuman de wo ri?» Alu ka a jabi: «Ko mɛn kɛra Isa Nasarɛtika la. A la kuma ni a la kɛwalilu yirakara an na ko Alla la nabiɲuma barakani le ale ri, Alla ɲana a ni mɔɔ bɛɛ ɲana.