Luka 23:31-49

³¹Kakuti hava tenda izo kuchi kuni chivombete, kakuve vule kuchizumite?”

³²Bamwi bakwame, ni zisinyi zobele, baba hitizwe naye kukwi haiwa.

³³Hava sika haka wulu kasumpwa “Gologota”, chiva mukokotela ha chifapano ha mwina nizi sinyi, chimwi kuvulyo, chimwi kuvuzohoto.

³⁴Jesu chacho, “Tayo Uva kwatile, ka kuti kabezi ziva tenda”. Chiva li aluhanyeza zi zwata za kwe cho ku laula.

³⁵Chisi chiva zimene, niku lolela kuba ye ndisi hava vali kumu sheunwina, chivati “Avali kutusa vantu, mu muleke ali tuse mwine, heva njeye krisite wa Ireeza, yava ketwa”.

³⁶Masole va vakumu nyefula niku chunina niva muchuka vinega,

³⁷Chivati,” haiva U mulena wa majuda uli tuse U mwine.”

³⁸Kuvena chisupo kwali, “Nji Simwine wa Majuda”

³⁹Zumwi wa vasa yava hanzi naye chamu tuka kuti, “kanjewe Kresite? Lituse umwine niku tu tusa,

⁴⁰vamwi chiva munyansa?” Kana kotiyi Ireeza, sina hawina muchi kuka chi swana?

⁴¹Iswe itukelo yetu kuva hanu ka kuti tu fosete, tuli tumelela ma fosisa etu, kono uzu mukwame kena mafosisa.

⁴²Chazwila ha vusu “Jesu noni hupule mu muvuso wako.”

⁴³Jesu ava wambi kwali, “niku wambila ka vuniti, Sunu mobe name mwi paradaisi”.

⁴⁴Chivali ku patalala kwe zuva ka sikisi, mi kasinkwe cikeza kuwumba inkanda yonse kutwala ka naini,

⁴⁵mi chikwava ni kusiha, isila lya mwi kereke chilya ñatuka hakati.

⁴⁶Chalila chezwi lihanzi, Jesu chati, “Tayo, ni vika luhuho lwangu mu mayaza ako.”

⁴⁷Ha mana ku wamba bulyo nicha maniñwa luhuho, iñanga wempi za vakanteli ha vona ziva tendahali, chalumba Ireeza, “ni kuti niti, uzu muntu ava shiyeme”.

⁴⁸Imi vungi bwa vantu va vezi kulwela, zi vali ku tenda hala, nichi va vola niva li kava hazi zuva.

⁴⁹Imi vavezi Jesu, ni vanakazi va vali ku mwi chilile hakazwa kwa Galilea, va vazimene kule, niva lolete.