Text copied!
CopyCompare
Chergash Luka - Luka - Luka 20

Luka 20:6-41

Help us?
Click on verse(s) to share them!
6A te phendam katar o manuš, sa o them čhudelape barenca pe amende. Kaj o them paćal kaj si o Jovano proroko.”
7Zato phendine e Isusešće kaj či džanen kastar avilo e Jovanesko autoriteto te bolel.
8A o Isus phendas lenđe: “Askal ni me tumenđe či phenava katar man vlast!”
9Pale godova o Isus phendas e themešće akaja usporedba: “Varesavo manuš zasadisardas o vinograd, thaj iznajmisarda les e vinogradarenđe. A askal otputuisarda pe lungo vrjama.”
10Kana avili e vrjama pale berba, bičhaldas pire slugo ke vinogradarja te kušen lesko deo savo bijandas e drak. Ali e vinogradarja mardineles, thaj bičhaldinele palpale čuče vastenca.
11Pe godova vo bičhaldas lenđe aver slugo. Ali von vi godole mardine, mardine muj lestar thaj bičhaldneles palpale čuče vastenca.
12Bičhaldas lenđe vi e trito. A von vi les izranisardine thaj tradineles.”
13Pe godova o gospodari e vinogradesko phendas: “So te ćerav? Bičhalava lenđe mungre voljeno čhaves. Les valda poštuina kaj si mungro čhavo.
14Ali kana e vinogradarja dikhline e čhaves, počnisardine te ćerenpes gođaver maškar pende e alavenca: “Akava si o nasledniko. Ajde te mudaras les thaj o naslestvo avela amaro.”
15Tradineles avri andar o vinogrado thaj mudardineles. So gndin so ćerela lenca o gospodari e vinogradesko kana ašunela so sas?
16Avela thaj mudarela godole vinogradaren a o vinograd dela aver vinogradarenđe ando najam.” A okola save ašunenas e Isuse phendine: “Nade Devla!”
17A o Isus lačhe dikhlas pe lende thaj phendas: “A so askal značil okova odlomko savo ramol ando sveto lil: 'O bar saves čhudine e graditeljurja postanisardas o bar zaglavno?'
18Te pelo vareko pe godova bar, avela smrskome, thaj te pelo o bar pe varekaste, zgnječila les.”
19E sikavne e Mojsiješće zakonestar thaj e šorvale rašaja kamline te astaren les kaj lačhe džangline kaj godoja usporedba odnosilpes pe lende, ali daranas katar o them.
20Katar askal počnisardine te vrebin les thaj bičhaldine e špijunen save ćerenas pes kaj si iskrene te šaj optužin e Isuse kaj phenda vareso bilačhe, thaj te predajin les e Rimske upravitelješće.
21Thaj phučline e Isuses: Sikavneja! džanas kaj phenes čačipe thaj sikaves ispravno, thaj či dićhes ko si ko, nego čačes sikaves e Devlesko drom.
22Phen amenđe dali trubul te anen e židovurja das e carošće o porez ili te či das?”
23A o Isus dikhlas kaj kamen te astaren les ande klopka thaj phendas lenđe:
24“Sikaven manđe e kovanica savjava poćinelpe o porez. Kašći si akaja slika thaj potpis pe leste?” A von phendine: “E carošći.”
25“Askal den e carošće so si e carosko, a e Devlešće so si e Devlesko.”
26Gajda naštik arakhline doš ande okova so o Isus phenda anglo them, nego ačhiline zadivime lešće naukava thaj ačhiline bi alavesko.
27Askal aviline leste varesave saduceja, save phenen kaj khonik či uštela andar e mule. Thaj phučline e Isuse:
28”Sikavneja, o Mojsije dijamen o zakon prema savo, ako mulo varekasko phral saves sas romnji a nas les čhavra, neka lesko phral lel lešće romnja thaj gajda akava čhavo nasledila e imovina e prvo romešći lešće dejaće thaj inđarela lesko prezime.
29Gajda sas efta phral. Prvo phral oženisajlo thaj mulo a nas les čhava.
30Aver phral oženisajlo lešće manušnjasa ali vi vo mulo,
31Askal o trito thaj gajda vi sa efta muline a či mukline čhavra.
32Po krajo muli vi e manušnji.
33Kašći manušnji askal voj avela kana e manuša uštena andar e mule kana sas romnji sa efta phralenđi?”
34O Isus phendas lenđe: “E manuša akale themešće udainpes thaj ženinpes.
35Ali okola saven o Del dićhel kaj si dostojne te ušten andar e mule či ženinape niti udainapes.
36Von majbut naštik ni merena, kaj avena slične sar e anđelurja. Von si čhave e Devlešće kaj vo boldalen palpale andar e mule.
37A kaj e mule uštena, godova čak vi o Mojsije potvrdisardas ando odlomko po than kaj phabolas o grmo kaj e Gospode akhardas e Avraamešće Devles, e Isakošće Devles thaj e Jakovešće Devles dumut nakon so von muline.
38A o Del naj Del e mulengo nego o Del e džudengo, kaj si savora ande leste džude.
39Pe godova phendine lešće varesave sikavne e Mojsiješće zakonestar: “Sikavneja!” Lačhe phendan!”
40Thaj majbut či usdisajle khanči te phučenles.
41Askal o Isus phendas lenđe: “Sar phenen kaj si o Hristo o čhavo e carosko Davidesko?

Read Luka 20Luka 20
Compare Luka 20:6-41Luka 20:6-41