Luka 1:33-43

³³Aniꞌa Isaraela azaḡa kiniḡa tugutuguḡa re onamiꞌuma, zu ibito ziniꞌeteꞌe mene hauḡiꞌuma.”

³⁴Ebu Mariaꞌa tuḡure viga ninaꞌa, “Eꞌe ohoze teite bazoga ize aḡuꞌa. Nougenouge uguḡaniꞌa fureraꞌuma?”

³⁵Ebu tuḡure vigaꞌa naenaeninaꞌa, “Vine Zaḡoḡaniꞌa ḡae vaḡe ovaiꞌuma, zu Badiꞌa ḡihiꞌa gigiꞌaꞌe ḡae zauha ḡadiꞌuma. Eꞌanoꞌo fureraꞌuma tahiꞌaḡaꞌe zaḡoḡa reꞌuma zuni Badiꞌa ubuga rae huniꞌuma.

³⁶Ḡianoꞌi! Ḡa nabugo Elisabeta zuni vouḡa ebu aniꞌe gabani rae huniro. Rehano ene ohozeḡa teadu izidi bato 6 ꞌai maha.

³⁷Badiꞌaꞌe gau niduꞌa haḡaoga idaḡa!”

³⁸Ebu Mariaꞌa tuḡure viga ninaꞌa, “Eꞌe Zuhiꞌa Boro tuḡure roḡaeḡa. Ḡaeꞌa rataꞌaꞌe eḡe mazao fureraune manoḡa.” Ebu tuḡure vigaꞌa ani mazaonoꞌo vaḡiniro.

³⁹Eꞌe ḡarugano Maria ani ḡarihe iḡunadu Iudea guniꞌa neḡa ꞌahoga onamiro.

⁴⁰Ani feuradu Zakaria ne diuḡiro. Ebu Elisabeta niro, raenaꞌa, “Manoḡahehe?”

⁴¹Elisabetaꞌa Maria ago igirotene, ubugaꞌe isi zamaḡano hagariro, ebu Vine Zaḡoḡaniꞌa Elisabeta mazao iriꞌaviro.

⁴²Ebu aniꞌa Maria ḡihau ninaꞌa, “Badiꞌaꞌa manohuga ḡaneha. Ḡaeꞌa roḡae niduꞌa vitizoga. Ḡaꞌa fureniteꞌe tahiꞌaḡa zuni Badiꞌaꞌa manohuga haꞌuma.

⁴³Eḡe Zuhiꞌa Boro viꞌaꞌe eḡe vaḡe onaeha! Badiꞌaꞌa eḡe veize manoḡa boro haḡaeha!