12Domame Zakariazi honerâ fâfârerâ hemâtâckewec.
13Iŋuc eme aŋelozi ʒiŋuc âzâcnewec: “Zakaria, go mi hâwicguoc, Wofuŋzi nunumuge manawecte ŋonâŋge Elisabete motec kiweckerâ roocmu, ere ʒâŋe Johane muzemec.
14Go ʒeri ehuc bubiaŋ manacmu, â ŋic bocjahazi fufua‐ticnere aŋac‐jopaocmu.
15E Wofuŋte maio kâcɋene erâ juocmu; â waiŋ me opâ momori irec sowa juocmu. Erâ e neŋgoc bumaŋko fohame Tiri Mârozi maŋticne bâfuseocmu.
16Eme Israe ŋic bocjaha bârisiec‐jopame Wofuŋ Anutu‐jeŋic maickeniŋmu.