Luka 17:4-13

⁴Erâ ʒoaŋ mocjahao bahac arecne 7 bâfua‐gararâ arec 7 gorao fisirâ muocmu, ‘Âgo, iŋuc egarepacte bunane sâqorekac,’ eme go irec sâc jaha wâc kiŋticne behecnehuc juzemec.”

⁵Aposolo jaŋe Wofuŋ ʒiŋuc muhuc numucnembiŋ: “Go mamanasiŋ‐nâŋec basawe‐nârezemec.”

⁶Mupie Wofuŋzi ʒiŋuc jazawec: “Mamanasiŋ fârine piicne mac, ʒocʒu hândâŋ iŋucne mac foŋareme muzac, ine nemuja jâc kecocni, ŋeunuckerâ tararâ hâwecko hurâ domaocte âzâcnepie eki micŋeŋic reŋkerâ iŋuc ezac.

⁷“Ŋoŋeraonec moc e kiŋaŋ motec‐ticne gie baku me bulimakao soŋaŋ juku owâ ririŋte fisime ʒiŋuc sâcne âzâcneocmu me? ‘Go ficko wefu ŋehaŋte nânâ rike bâmoc egarepe.’

⁸Aricne, e ʒiŋuc âzâcneocmu: ‘Ajoc, kambaŋ ɋaɋacne qarâ ŋafere nânâ rike râec enaretec nahape ʒâhec go gahacne rike nâc ezemec.’

⁹Eme kiŋaŋ motec e gie mucnekicne i sawa bame bomboŋ‐ticnezi mâc maname taraocmu, â muteŋ bâteŋ ine wemocko ecneocmu.

¹⁰Eme ŋoŋere fuŋne ijaha fokac. Ŋoŋe wiac muŋarekicne i efârerâ ʒiŋuc munʒepieŋ: ‘Nâŋe kiŋaŋ motec ba bititicne, wiac munârekicne i sawa mac epârâckeŋgopeneŋ.’”

¹¹Jesu e Jerusalem haeo raocte Galilaia mâreŋ fotâcnerâ Samaria mâreŋ qaŋeŋnao fisiwec.

¹²Fisirâ hae mocko fehame ŋic wicsanaŋ‐jeŋichec 10 jaŋe honerâ taic domahuc

¹³wira wâwâsic ecnehuc mumbiŋ: “O Qaqazu Jesu, go nâŋere mac buge sâqoreoc.”