Luka 17:2-33

²Pošukar ka avol lese te umlavol pe e baresa tari vodenica, thaj te čhudol pe ano more, nego te navodil ko greh jekhe tare kala cikne.

³Aračhen tumen!” Te čerda bilačhipe ćo phral, vačar lese kaj gova naj šukar, pa ako pokajil pe, oprosti lese.

⁴Thaj ako efta droma ko đive grešil premal tute, thaj efta droma avol tute thaj vačarol: “Kajima”, oprosti lese.

⁵Thaj vačarde e apostolura e Rajose: “Pher amen pačaimasa.”

⁶A o Rajo vačarda: “Kana bi avola tumen pačaipe gači cikno sar e gorušicako seme, thaj bi vačarena kale dudinkaće: 'Ikal tut taro koreno thaj sadi tut ano more!' Ka šunola tumen.

⁷Savo tumendar ka phenol pe slugase, savo honol i phuv il aračhol e bakren, kana iril pe andaro polje: 'Ava kari beš te ha mangro?'

⁸Ni li ka vačarol lese umesto gova: 'Ćer manđe te hav! Čhuv tuče i kecelja thaj kande ma dok hav thaj pijav! A pale gova šaj i tu te ha thaj te pije.'

⁹E slugasi ni ni zahvalil pe o barutno, golese so si gova lesi bući.

¹⁰Gija i tumen kana šunen e Devle vačaren: 'Naj sam vredna hvalaće. Samo sam sluga save čera amari bući.'”

¹¹Thaj kana đele ano Jerusalim, o Isus nakhlo maškari granica ki phuv Samarija thaj i phuv Galileja.

¹²Thaj kana dija ane jekh foro, arakhlje le deš phumbale (gubavci), save ačhena dur.

¹³Thaj vazdije po glaso vačarindoj: “Isuse, Rajo! Smilujitu pe amende!”

¹⁴Kana o Isus dikhlja len vačarda: “Đan thaj sikaven tumen e sveštenikurenđe.” I gija phirindoj sastile.

¹⁵A jekh lendar dikhlja kaj sastilo, irisajlo thaj hvalisada e Devle andaro sa o glaso.

¹⁶Thaj pelo angle Isusese pingre, thaj zahvalisajlo. Thaj gova sasa Samarićano.

¹⁷A o Isus pučlja le: “Na li sastiljen deš đene? Kaj si kola enja?

¹⁸Sar maškar lende ni arakhlja pe te iril pe te zahvalil e Devlese, nego samo kava manuš andari aver phuv?”

¹⁹Thaj vačarda lese: “Ušti thaj đa! Ćo pačaipe sastarda tut.”

²⁰Pučlje e Isuse e fariseja: “Kana ka avol o carstvo e Devleso?” A o Isus vačarda lenđe: “O carstvo e Devleso ni ka avol te dičhol pe jakhencar.

²¹Ni ka vačarol pe: 'Aktalo kate si!, il: 'Odori si!' O carstvo e Devleso si maškar tumende.”

²²A e sikadenđe phenda: “Ka avol o vreme kana ka manđen te dičhen ma barem jekh đive kana me, o Čhavo e Manušeso, ka vladiv sar caro, al nakašti.

²³E manuša ka vačaren tumenđe: “Ak kate si!, il: “Ek odoring! Al ma ikljen, thaj ma prasten te roden ma.

²⁴Golese so o Čhavo e Manušeso kana ka avol ka avol sar i munja so strefil andaro nebo, thaj svetlil sa so si talo nebo.”

²⁵Al angleder trubul but te avav mučimo, thaj kala kuštika mora čhuden ma pestar.

²⁶Thaj sar sasa ano vreme e Nojaso gija i ka avol ane đivesa kana me o Čhavo e Manušeso ka avav.

²⁷Halje, pilje, lijepe, dijepe đi kova đive đi kana o Noj dija ani barka, thaj avilo o baro paj thaj tasile sa okola save ni sesa ani barka.

²⁸Gija sasa i ane Loteso vreme kana sasa vov đuvdo. E manuša ani Sodoma halje pilje, činde, bičinde, sadisade, vazdije.

²⁹A o đive kana iklilo o Lot andari foro Sodoma, čalada i jag thaj žuta bara save phabon taro nebo thaj mudarda sa okolen so ačhile ano foro.

³⁰Gija tarjekh drom kana ka avav me o Čhavo e Manušeso.

³¹Ane gova đive savo ka avol ko krovo, a lese šeja ano čher andre, ma te uljol te lol len! Savo si ano polje, ma te iril pe ano foro pal pe šeja.

³²Den tumen gođi so sasa e Lotese romnjaće!

³³Savo dičhol te aračhol po đuvdipe, ka hasarol le, a ko hasarol po đuvdipe, aračhol le.