30Jonarao wiac fuawec izi Niniwe haeonec ŋic fuŋne qaqa mâsi ejarewec, iŋuc jaha Ŋic Fâri Wâtuŋne erao wiac fuaocmu izi ŋicguru ʒi ŋoŋe fuŋne qaqa mâsi eŋareocmu.
31Juwic mâreŋkonec ŋokac wofuŋ eki mumu tara dameŋko ŋicguru ʒi ŋoŋehec faharerâ fuŋne‐ŋeŋic ritume katucne roniŋmu. Erâ i mâc mâcne, ŋokac e Salomoraonec mamana fârine roocte mâreŋ qaŋeŋnaonec warewec; eme mananiŋ, ʒi fuakac e Salomore sâc sirickekac.
32Erâ Niniwe haeonec ŋic jaŋe iŋuc jaha mumu tara dameŋko ŋicguru ʒi ŋoŋehec faharerâ fuŋne‐ŋeŋic ritupie katucne roniŋmu. Erâ i mâc mâcne, Niniwe haeonec jaŋe Jonazi uŋ jazame manarâ maŋjeŋic bârisiembiŋ, â ʒi domakac e Jona sirickekac.
33“Ŋoŋe lambe qazerâ mi soŋkeeŋgopieŋ, me kuʒizi mi hetutuckeeŋgopieŋ, aricne, lambe ŋeŋe‐ticnao hepie fic âke tamaeme ŋic ŋoŋe honehuc feeŋgopieŋ.
34Sahacgere lambe ine ʒâŋege. Ʒâŋege biaŋne fohuc sahacge batamaecneocmu, ʒâŋege sâqoreme sahacgezi tiŋtuŋ qaocmu.
35Eme maŋgao tatamac fokac izi dapâc ezacte aimuŋ soŋaŋkehuc juzemec.
Luka 11
Luka 11:30-35