Text copied!
CopyCompare
Le Devleskero Lav Andre Romaňi Čhib 2019 - LUKAŠ - LUKAŠ 17

LUKAŠ 17:7-17

Help us?
Click on verse(s) to share them!
7“Te hin tumen sluhas, savo orinel abo pasinel, ko tumendar leske takoj phenel, sar avel pal e maľa: ‘Av, beš tuke paš o skamind?’
8Sigeder leske phenela: ‘Pririchtin mange e večera, le pre tu e leketa a ker pašal ma, medik me na dochava a na dopijava. Tu paľis chaha the pijeha’.
9Či paľikerel ole sluhaske vaš oda, hoj kerďa oda, so leske sas phendo?
10Avke the tumen, te kerena savoro, so tumenge sas phendo, phenen: ‘Sam ča o sluhi, save peske na zasogaľinas (na zaslužinas) ňič. Kerďam ča oda, so mušinďam te kerel.’ ”
11O Ježiš džalas andro Jeruzalem prekal e Samarija the Galileja.
12Sar doavľa andre varesavo gav, arakhle pes leha deš malomocne murša, save dural ačhenas
13a zoraha vriskinenas: “Ježiš! Učiťeľina! Av ke amende jileskero!”
14Sar len dikhľa, phenďa lenge: “Džan a sikaven tumen le rašajenge!” A sar džanas, sas obžužarde andral o malomocenstvo.
15Jekh lendar, sar dikhľa, hoj sasťiľa avri, avľa pale a zorale hangoha lašarelas le Devles.
16Le mujeha banďiľa dži ke phuv paš le Ježišoskere pindre a paľikerelas leske. A ov sas Samaritanos.
17Akor phenďa o Ježiš: “Či na sasťile avri deš džene? Kaj hine okla eňa džene?

Read LUKAŠ 17LUKAŠ 17
Compare LUKAŠ 17:7-17LUKAŠ 17:7-17