Luk 3:10-36

¹⁰Ma Jon i ria vene aken, ma toko alavusnga o nina i ve, “Aro them oma vava?”

¹¹Ma i olal ole riong ve, “Omu e ile tekruk or aini, aro i sungu omole e a toko ako ile avele. Na toko ako ia aning i voth, aro i sung mun i.”

¹²Na toko pelie ako ini umtun elngare o es mo o el mun paninuong ma o nina i ve, “Pamirealinga, aro them oma vava?”

¹³Ma i ria or vene, “Aro thomu o el inga umtun ranga ve ako gavman i ria thomu nge. Naro o el polpola mun pelie avele.”

¹⁴Na toko punongare pelie ako o nin mun i ve, “Na them, aro them oma vava?” Ma i olal ole riong ve, “Thomu o mothong tova o siso polpol tokokoere na o pamit or nge riong mo o el polpol umtun a or nge. Naro lomumu i sivenga inga nge olongomu elnga.”

¹⁵Ma toko na sengre o nongpol a Jon ile riong ma olemi ve aro ur sivenga aro i velpol. Na olemi pelekpol ako ve, “Ava ini toko aton ru God i ateal i ve aro i el werer it eve ava avele.”

¹⁶Mako Jon i olal ole riong ve, “Tho paninu thomu nge thei, aveto toko e ako aro i rumongal me, kene ile engenging i aolonga nge lek engenging, na i pavurvur aro tho es totho a ilo sei mo aro tho inospot ile esonga a we, kene avele. Naro i paninu omu pelie nge a God Ioni Riringa, aveto omu pelie nge won sesenga.

¹⁷Naro i nongpol toko alavusnga ole riong, naro i thomreu areko o sivenga na areko o kerenga, ranga ve ini toko pen lesnga i thomreu wit monnga sivenga na wit peti kerenga. Naro i veliloalo ur sivesivengare a ile pen sivenga, aveto ur kerekerengare aro i asesu ir a won sesenga nge ako aro ile vusonga avele.”

¹⁸Na Jon i oma riong relnga mun pelie ako aro i pavurpol olemi nge, mako i panongpol nge panongpolong sivenga a toko na sengre nge.

¹⁹Na Jon i vol a Herot ako ini nepes, eneke i pamues a Herodias ako ini itein posnga iewo tomo mun nge vothung pulua kerenga mun ako i oma i.

²⁰Ma Herot i rong esa mun ile kerengaing ako ranga ve i paeso a Jon a mang a midenga lemi.

²¹Na Herot i paeso a Jon a mang a midenga rongan, na nge ako toko alavusngare o el paninuong, na Jisas mun i el paninuong, ma rongan i nong, nako sepsa i thep.

²²Na Oni Riringa i esu a i nge me, ma i ranga ve ini pothu, ma i men a i nge. Na lenging ako i espot a sepsa lemi me ma i ri ve, “Wong ini tuk ako ok sagu rintet wong, ma lemik sivenga rintet mun nge wong.”

²³Na nge wop lemi ako Jisas i patea ile omaing ma ia tovu po mule pa me. Ma toko na seng olemi ako ve, ini a Josep itun. Na Josep ini a Heli itun.

²⁴Na Heli ini a Matat itun. Na Matat ini a Livai itun. Na Livai ini a Melki itun. Na Melki ini a Janai itun. Na Janai ini a Josep itun.

²⁵Na Josep ini a Matatias itun. Na Matatias ini a Amos itun. Na Amos ini a Nahum itun. Na Nahum ini a Esli itun. Na Esli ini a Nagai itun.

²⁶Na Nagai ini a Mat itun. Na Mat ini a Matatias itun. Na Matatias ini a Semen itun. Na Semen ini a Josek itun. Na Josek ini a Joda itun.

²⁷Na Joda ini a Joanan itun. Na Joanan ini a Resa itun. Na Resa ini a Serubabel itun. Na Serubabel ini a Sealtiel itun. Na Sealtiel ini a Neri itun.

²⁸Na Neri ini a Melki itun. Na Melki ini a Adi itun. Na Adi ini a Kosam itun. Na Kosam ini a Elmadam itun. Na Elmadam ini a Er itun.

²⁹Na Er ini a Josua itun. Na Josua ini a Elieser itun. Na Elieser ini a Jorim itun. Na Jorim ini a Matat itun. Na Matat ini a Livai itun.

³⁰Na Livai ini a Simeon itun. Na Simeon ini a Juda itun. Na Juda ini a Josep itun. Na Josep ini a Jonam itun. Na Jonam ini a Eliakim itun.

³¹Na Eliakim ini a Melea itun. Na Melea ini a Mena itun. Na Mena ini a Matata itun. Na Matata ini a Natan itun. Na Natan ini a Devit itun.

³²Na Devit ini a Jesi itun. Na Jesi ini a Obet itun. Na Obet ini a Boas itun. Na Boas ini a Salmon itun. Na Salmon ini a Nason itun.

³³Na Nason ini a Aminadap itun. Na Aminadap ini a Atmin itun. Na Atmin ini a Arni itun. Na Arni ini a Hesron itun. Na Hesron ini a Peres itun. Na Peres ini a Juda itun.

³⁴Na Juda ini a Jekop itun. Na Jekop ini a Aisak itun. Na Aisak ini a Abraham itun. Na Abraham ini a Tera itun. Na Tera ini a Nahor itun.

³⁵Na Nahor ini a Seruk itun. Na Seruk ini a Reu itun. Na Reu ini a Pelek itun. Na Pelek ini a Eber itun. Na Eber ini a Sela itun.

³⁶Na Sela ini a Kainan itun. Na Kainan ini a Arpaksat itun. Na Arpaksat ini a Siem itun. Na Siem ini a Noa itun. Na Noa ini a Lamek itun.