Luk 18:26-38

²⁶Aŋɛ ŋaŋc-cəŋkəl Yesu mɔ ŋayif kɔ: «Anɔ antam oŋ kəyac-ɛ?»

²⁷Kɔ Yesu oloku ŋa: «Ntɛ tɛntambər afum mɔ, Kanu kəntam ti.»

²⁸Kɔ Piyɛr oloku: «Səna səsak daka dosu kɔ səŋcəm’am darəŋ.»

²⁹K’oloku ŋa: «Awa! Ic-loku nu kaŋce: Fum eyi fɛ, nwɛ ɛŋsak kəlɔ kɔn, wəran kɔn, wɛŋc, akomɛnɛ ɔn, kɔ awut ɔn teta dɛbɛ da Kanu,

³⁰ta wəkayi ɔŋkɔsɔtɔ pəlarəm doru dandɛ, kɔ dekiriŋ nde aŋkɔyi wəyeŋ katina mɔ.»

³¹Kɔ Yesu ɛlɛk Asom ɔn wəco kɔ mɛrəŋ, k’oloku ŋa: «Yerusalɛm andepɛ. Mes mmɛ adəŋk a Kanu ŋanacicəs teta Wan ka fum mɔ fəp, mendekɔ-yi.

³²Bawo andekɔ-bɛr kɔ atɔyɔnɛ Suyif dəwaca; andekɔ-fani kɔ, andekɔ-tɔrəs kɔ, andekɔ-yuksər kɔ lin,

³³andekɔ-sutɛ kɔ tɔrɔŋkɔn, a padedif kɔ. Tataka ta maas ta defi dɔn, pəyɛfɛ afi dacɔ.»

³⁴Mba Asom ɔn ŋanane fɛ ti tɔlɔm o tɔlɔm. Ŋanacərɛ fɛ ntɛ tatɔkɔ toloku mɔ.

³⁵Ntɛ ŋayi kəlɔtərnɛ Yeriko mɔ, tɛtəŋnɛ wətɔnəŋk wəlɔma pəndɛ dɔpɔ kəsək pəc-tola.

³⁶K’ene pɔkɔt pa kənay, k’eyif daka ndɛ dender mɔ.

³⁷K’aloku kɔ: «Yesu wəka Nasarɛt eyi kəcepər!»

³⁸K’oŋkulərnɛ: «Yesu wəka Dawuda məyɔn’em nɔnɔfɔr!»