Lucas 2:1-6

¹Ong mga timpong asi, nagpapanaw ta ordin tang alawig ang ading si Agosto ang magpalista tang tanan ang taw ong mga banoang gasakepan tang Roma.

²Narin tang primirong palista, ig nainabo asing si Cirenio tang gobirnador tang Siria.

³Animan namansiolik tang kada tata ong sadiling banoa nira para magpalista.

⁴Ig nagalin ong Nazaret sakep tang Galilea, nagbiahi si Jose ong Betlehem sakep tang Judea, don ong banoang pinanganan tang Ading si David. Napaning don si Jose tenged tanandia tata ong mga inampo ni David.

⁵Aroman nang minolik para magpalista si Maria, ang pinagampangan dang magimong katawa na. Asing oras ang asi, palanganaen da lamang si Maria,

⁶ig asing don da tanira ong Betlehem, kiminabot tang oras ang mangana ra.