Lucas 22:56-65

⁵⁶Inilan di esa ay baa ay balasang sisya tan nasisilawan sin apoy, et insisin-eng na ay nangwani, “Din lalaki ay nay et esa met ay gait na.”

⁵⁷Ngem insaot Pedro ay nangwani, “Maga yan, ay siya mo am-ammok sisya?”

⁵⁸Maaw-awni pay, wada kasin di esa ay lalaki ay nangimaton en sisya et kanana, “Sik-a met di esa en daida.” Ngem kanan Pedro, “Baken yan.”

⁵⁹Malabas pay di esa ay oras, wada kasin di esa ay lalaki ay nangipapati en, “Tet-ewa met ay esa na ay gait Jesus, tan taga-Galilea met abe.”

⁶⁰“Adiak polos ammo san kankanam,” insongbat Pedro. Mankalkali pay laeng sisya yan nantan-o din kawwitan.

⁶¹Pag et mansagong si Apo Jesus et isin-eng nas Pedro, et asi na ninemnem din inbagan di Apo ay sin daan pay pantan-oan di kawwitan sin labi ay doy, mamitlo ay kanana en adi na ammos sisya.

⁶²Asi pag komaan et palalo ay man-anog-og.

⁶³Din namanbantay en Jesus et nilaslasoy da ya dinesdespeg da.

⁶⁴Kinopopan da aben mata na, asi da kanan, “May kod ay, pogtoam mo sinoy nanespeg en sik-a.”

⁶⁵Et ad-ado pay di kankanan da ay manglaslasoy ya manis-iyek en sisya.