Lucas 10:20-25

²⁰Tiroma yoshinbo man camati hahtipahi bi tah man jaa copi jenimatimahi. Naihohxon maton jane huishá sca jai copi jenimanahue —jato jaquin.

²¹Jato jascajaxon Dios Yoshiman hahan jenimati hinanah hihti jenimaxon noquen Papa sca yohiquin: —Hahxon tah min hea jai, Papan. Mia tah min naiyahpa mai Hihbo qui. Shinamanhuanyahpabo betan honanbaan honancasquimanon tah min jato pantexon, miin baquebaan sca honannon min jato honanmahi, Papan. Mian jisí jascapa siri quen tah min jascajaxonai, Papan.

²²Papan ta hea jatihibi hinanihqui. Jahuen baque tsoa hin ta tsoanbi honanyamahihqui. Papa huestichin ta honanihqui. Tsoa heen Papa quin tah hen jahuen baque hihxon hea huestichin hen honanai. Caibaan ta honanyamahihqui. Hean yohihah res ta caibaan rihbi honanscaiqui —hahquin.

²³Jascaxon jahuen haxenicabo rahsi sca yohirihbiquin: —Man jisibo jisish jenimanahue.

²⁴Man rahma jisi ta Papan joi yohixonnicahbo betan quiquin hapobo hichaxon jiscatsihxon bi hahtipahyamacannishqui. Man nincacai ta nincacatsihxon bi nincayamacanpahonishqui —jato jaquin.

²⁵Jaatian nihxon judiobaan haxemanicahton jenquetsahaxon yocaxon non Jesus tiromahi yohuanmatihin hihxon yocascaquin: —Maestron, ¿jenquetsahax hen queyoyamanox manatihin? —hahquin.