Lucangundru 12:3-52

³Jendrania, mina jura ngalpurani jatana warai, jenia tanali praitjani ngarala nganai! ja mina jura talpani punga bitini kaukaubana warai, jenia tanali punga mangatandrani kaukaubala nganai.

⁴Ngani jurangu, kamanelini ngakanani, jatai: Wata tanangundru japali ngananau, tanali palku nari ngankai, ja ngadani tana ngandandariai morla ngankala.

⁵Ngato jurangu wondrala nganai, worangundru jura japali nganananto; nunkangundru japali ngananau, Nulia matja nari ngankana, bakana ngurula ngamalkai turuja teribala; kau, ngani jurangu jatai, nunkangundru japali ngananau.

⁶Tanali wata tiwilitja mara worali mardatandra waka mandrundru jinkimaliai? ja Goda wata kulno tanangundru kuritarana warai.

⁷Bakana para pratjana jurani mangatandrani matja windamana. Wata japali ngananau; ngangau jura morla pirna nganai tiwilitja marapuni.

⁸Ngani jurangu jatai: Warle ngana dikala nganai kangani, nina bakana Kanaia Ngatamurajeli dikala nganai Godaia angelani.

⁹Warle ngana kutikutibala nganai kanani, nina ngato kutikutibala nganai Godaia angelani.

¹⁰Ja warle jaura madlentji jatanani Kanaia Ngatanmurani, nunkangu Nulia kalingala nganai; ja warle Jaola kulikiri ngirkibai, nunkangu Nulia wata kalingala nganai.

¹¹Tanali jurana jaura pungani ja mitaia kaparani jal ngurulani wapalkanani, wata manujeli ngundranau worderu kara, mina kara jura kalabananto kara jatananto kara.

¹²Ngangau Jaolali kulikirieli jurana nunkangupini ditjini kiri ngankala nganai, mina jura jatananto.”

¹³Kana wolarandru kulno nunkangu jatana wonti: “Ngujangujara jinkinietja jai, nejini ugakanani jatamai, nulungali poto maratunka puntibananto.”

¹⁴Nau nunkangu jatana wonti: “Kanajai, warlenulu ngana talku jatanietja kara, poto maratunka puntibijiribanietja jurangu kurana warai?”

¹⁵Nau tanangu jatana wonti: “Najinajibaterianau ja ngamalkaterianau poto manujeli ngundranadru; ngangau kana kulno wata tepiriai, nulu poto marapu ngamalkanani.”

¹⁶Nulu tanangu jeribaka jaura kaukaubana wonti ja jatana wonti: “Kana poto pirnaia mitali marapu mandrana wonti.

¹⁷Ja nulu muntali ngundrana wonti ja jatana wonti: “Mina ngato ngankala nganai, ngangau ngato wata piri ngamalkai, woderi ngato tandra ngakani kurananto?”

¹⁸Ja Nau jatana wonti: “Jenia ngato ngankala nganai; Ngato kampani punga ngakani wokaribala nganai ja morla pirna wotila nganai, ja jerra ngato pratjana kurala ngana, mina ngakangu matja punkana, ja poto ngakani.”

¹⁹Ja ngani mungarani ngakanani jatala nganai: “Mungarajai, jundru poto marapu ngamalkai kilpawoldra marapuja; ngara ngamamai, tajiau, tapau, tepiriau!”

²⁰Goda nunkangu jatana wonti: “Jidni kana patipatiai! nunkangupini tinkani Nulia mungara jinkani karkala nganai; wanini jenia nganala nganai, mina jundru matja ngankingana?”

²¹Jeruja nau nganai, nulu nunkangu muntali poto kampai ja wata poto pirna nganai Godani.”

²²Nau milini nunkanani jatana wonti: “Jendrania ngani jurangu jatai: Wata manujeli ngundranau tepini juranani, mina jura tajila nganai, bakana wata palkuni juranani, mina jura widmaterila nganai.

²³Tepi morla pirna nganai bukani, ja palku morla pirna katini.

²⁴Kawalka najianau; ngangau tanalia wata jaupai ja wata kampai, ja wata tajina pnnga ja kampani punga ngamalkai, ja Godali tananaia jerto ngankai; worderu morla pirna jura nganai paiani?

²⁵Worana jurangundru ngurunguru nganai, tepini nunkanani tintipidi kulno juri ngankala manujeli ngundraterinali?

²⁶Jura ngandandarinani wakawakani, minandru jura manujeli ngundrai pilkilani?

²⁷Ngunandula najianau, worderu tanaia punkai; tanalia wata ngankai ja wata turpai; ngani jurangu jatai: Bakana Salomo pirnalani nunkanani pratjanani wata widmaterina wonti tanangundru kulnuni jeribaka.

²⁸Godali kanta jeruja widmanani, nauja karari maruni terkai, ja tankubana tanali ninaia turupirini worai; worderu morla jurangu, jura wuldr ungun dr aniet ja worajai!

²⁹Bakana jura wata manujeli ngundranau, mina jura tajila nganai kara, mina jura tapala nganai kara, ja wata milkirianau!

³⁰Jenia pratjana mitaia kanali wontiai; Ngaperi jurani milkila, jura jenia pratjana ngamalkananto.

³¹Wontianau Godaia milila, ja jenia pratjana Nulia jurangu jinkila nganai.

³²Wata japali ngangau, ngangau jidni ngami wakawaka; ngangau Ngaperi jurani jertapaterina wonti jurangu milila

³³Buru ngankanau mina jura ngamalkai, ja wangiwangini bakujeli jinkianau. Jurangu billi ngankanau, tana wata womala pantjiai; poto pariwilpani nau wata mudai, woderi kurikantji wata karakara wokarai, ja bakana wata kakatjieli tajiai.

³⁴Ngangau woderi ngantjani poto jurani parai, naka bakana jurani ngara nganai.

³⁵Jura kapa ngampianau, ja praitji jurani mintjiana.

³⁶Jenipara kanani jeribaka ngananau, tanali kaparanj tananani kalkai, nunkangu nurujeli mana walto ngankala, na, noapatamalini ditjindru wokarala tikanani ja nandranandranani.

³⁷Murlali pirna tanapara mili, tanana kaparali tananali, nau wokarana tikanani, tepi mankamankala nganai. Morlalu ngani jurangu jatai: “Nau ngampipaterila nganai, ja tanangu manuni kurala nganai kurlini ngamana ngarinanto, ja nau wapaia nganai tanangu mili nganala.”

³⁸Ja nau tinka terti kara, nguramaranaia woljaia kara wokaranani, ja tanana jeruja mankamankanani: Murlali pirna tanapini mili!

³⁹Jenia ngujamanau, punga ngamalkanietja milkila ngananani, mina ditji tinkani kurikantji wokarai, nau tepi ngamala nganai ja ngandrawalkala nganai, nau wata pungani nunkanani wirinanto.

⁴⁰Bakana jura ngankingaterianau! ngangau ditji kulnuni, nina jura wata ngundrai, Kanaia Ngatamura wokarala, nganai.”

⁴¹Petrus nunkangu jatana wonti: “Kaparajai, jidni ninapini jeribaka jaura ngaianingu jatai kara marapuni kara.”

⁴²Kapara jatana wonti: “Worana punga ngamalkanietja talku ja kiri nganai, nina kaparali najinajibanietja milini nunkanani kurala nganai, nulu tanangu buka ditji talkuni jm-kinanto.

⁴³Murlali pirna jenipara mili, nina kaparali nunkanali, nau wokarana tikanani, jeruja ngankanani mankamankala nganai.

⁴⁴Morlalu ngani jurangu jatai: Nulu nina kapara kurala nganai nunkani poto pratjanani.

⁴⁵Naupara mili ngarali nunkanali jatanani: Kapara ngakani kalkai wokarala, ja nau woninani mili materi ja mili widla nandrala, tajila ja tapala ja parawarala.

⁴⁶Jenipara milia kapara wokarala nganai miljaru kulnuni, nina nulu wata ngundrai, ja ditji kulnuni, nina nulu wata ngujamai, ja nina terti tjelapalkala nganai, ja nunkangu kalala nunkani kana tjikatjikani jeribaka kurala nganai.

⁴⁷Jenipara milieli, nulu kaparaia nunkanaia jertapa-terina ngujamai, ja wata ngankingana warai, ja bakana jer-tapaterinani nunkanani wata pankina warai, nandrana marapu manila nganai.

⁴⁸Warle nina wata ngujamana warai, ja jenia ngankana warai, minandru nulu nandrana maninanto, nulu nandrana ngalje manila nganai. Nunkangundru, nunkangu marapu Nulia jinkina, Nulia marapu wontila nganai; ja worangu Nulia marapu jinkina warai, morla marapu Nulia nunkangundru karkala nganai.

⁴⁹Ngani wokarana wonti turu mitani worala, ja ngato ngantjai, nau matja jerkinanto!

⁵⁰Multibanila kulno ngato maninanto, ja worderu japali ngani nganai liau mudanantulu!

⁵¹Wata ngundranau, ngani wokarana warai murla jin-kila mitani, a-ai, windri puritibala.

⁵²Ngangau kararindru niara wora punga kulnuni puntibijiribamalila nganai; parkulu mandruni ja mandru parkulani.