LUCAM 20:13-18

¹³Dixit autem dominus vineæ: Quid faciam? Mittam filium meum dilectum: forsitan, cum hunc viderint, verebuntur.

¹⁴Quem cum vidissent coloni, cogitaverunt intra se, dicentes: Hic est hæres, occidamus illum, ut nostra fiat hæreditas.

¹⁵Et ejectum illum extra vineam, occiderunt. Quid ergo faciet illis dominus vineæ?

¹⁶veniet, et perdet colonos istos, et dabit vineam aliis. Quo audito, dixerunt illi: Absit.

¹⁷Ille autem aspiciens eos, ait: Quid est ergo hoc quod scriptum est: Lapidem quem reprobaverunt ædificantes, hic factus est in caput anguli?

¹⁸Omnis qui ceciderit super illum lapidem, conquassabitur: super quem autem ceciderit, comminuet illum.