LOS HECHOS 9:3-13

³Pero are ngatja nttiha, ochiaon ngain ciudad de Damasco, vingasantte ná ẍohi que joixin de ngajni ngá nttiha tti jittji.

⁴Cottimeja Saulo vetsinga ngataha nontte co coinhi tté Jesús que ndac̈ho: ―Saulo, Saulo, ¿quedonda ningaconna co feo nchena?

⁵Cottimeja Saulo joanchiangui co ndac̈ho: ―¿Quensen soixin? Co tté mé ndac̈ho: ―Janha Jesús tti jaha ningaconhe co feo nchehe ngain. Pero jaho rritoniha ixin jaha inchin coxinttá are ẍantoe va con garrocha.

⁶Cottimeja Saulo jiẍanga de joaẍaon co ndac̈ho: ―¿Quehe rinao soixin que janha sinttaha? Co Jesús ndac̈ho: ―Dingattjen co ttji ciudad de Damasco, co nttiha jí chojni que rrondattjo quehe chonda que sinchehe jaha.

⁷Co cain xí que joicao Saulo tavinttetsjecoa xa ixin coinhi xa tti jinichja pero ẍonhi quensen vintteguicon xa.

⁸Cottimeja vingattjen Saulo de ngataha nontte, pero are conxiré jmacon ic̈hoha vicon ixin ndacochejo. Mexinxin tsehe na rá co sajoicao na ngain ciudad de Damasco.

⁹Are joiji na Damasco, Saulo viconha ngoixin ní nchanho, co ngoixin nchanho mé ẍonhi joine ni ẍonhi vihi.

¹⁰Co ngain Damasco vehe ná xí vinhi Ananías co xí mé vaguitticaon xa Jesús. Co jehe xí mé cononxinhi xa Jesús, co Jesús ndac̈ho: ―¡Ananías! Co jehe ndac̈ho: ―Nttihi rrihi. ¿Quehe rinao, soixin?

¹¹Cottimeja Jesús ndac̈ho: ―Dingattjen co sattji ngain tti nttiha dinhi Nao. Co are saso ngain nchiandoha Judas, danchiangui de ixin ná xí que joixin Tarso, dinhi Saulo. Co xí mé jinchecoanxinna xa janha jaxon.

¹²Co jehe xa cononxinhi xa co vicon xa ná xí dinhi Ananías jitonchienhe ngain xa co ttín rá ngataha já xa para nchao rrocjan xa sicon xa.

¹³Are Ananías coinhi cain yá, ndac̈ho: ―Soixin, tsje chojni ndachjenji na de ixin xí yá co de ixin cainxin cosa jianha que joinchehe xa ngain chojni que ditticaon soixin ngain ciudad de Jerusalén.