LOS HECHOS 5:4-11

⁴¿Te ñuhu‑áⁿ cuèndá sá ñúhú mèe‑n, àdi díhúⁿ‑ǎⁿ cuèndá sá dǐhúⁿ méé‑n cùu‑xi, te cuu‑ni cada‑n nàcuáa càchí iní‑n càhaⁿ‑n ñá? ¿Ná cuèndá ducaⁿ nǐ quide‑n? ¿Ná ní quide‑xi iní‑n nǔu ní dácuándèhnde‑n núú Yǎ Ndiǒxí? Chi ñá dɨ́ú‑ní mèe‑ni ñáyiu ni dàndahú‑n —càchí té Pèlú xǎhaⁿ‑dě xii‑dé.

⁵Te òré ní ndɨhɨ tnúhu ní xáhaⁿ tě Pèlú, te uuⁿni ní nduá‑dé te ní xíhí‑ni‑dé. Te nchaa ñáyiu ní níhí tnǔhu sá nǐ xíhí‑dé, te ní yùhú víhǐ‑yu.

⁶Te ní quixi ɨɨⁿ ǔú cue tée cuechi, te ní ndanehe ñaha‑güedě ní sacáⁿ ñáhá‑güedě núú yuu, te ní ducuⁿ nuu ñaha‑güedě yuu‑áⁿ, te ní xido ñaha‑güedě néhé ñàha‑güedé cuáháⁿ chìndúxi ñaha‑güedě xii‑dé.

⁷Te ní cuu úú uní òré, te ní quexìo ñadɨhɨ́ tée ní xíhí‑áⁿ, te vátá quìní‑gá‑aⁿ sá nǐ xíhí yɨɨ‑aⁿ.

⁸Te ní xáhaⁿ tě Pèlú xii‑aⁿ: —Cuìní‑í cachí tnúhu ndáá‑n. ¿Ndědau ní dícó‑ndó ñùhu, ní dícó‑ndó nàcuáa ní cachí yɨɨ‑n ǎⁿ? —càchí té Pèlú xǎhaⁿ‑dě xii‑aⁿ. Te ní xáhaⁿ‑aⁿ: —Ndáá sá dɨ́ú‑ní dùcaⁿ —cachí‑aⁿ xǎhaⁿ‑aⁿ.

⁹Te ní xáhaⁿ tě Pèlú: —¿Ná cuèndá ducaⁿ nǐ chitnàha tnúhu‑ndo dùcaⁿ ní quide‑ndo nǐ cuiní‑ndó dàndahú‑ndó Espíritú Yǎ Ndiǒxí? Quiní‑n, chi sa cuándixi cue tée ní sáháⁿ ní chindúxi yɨɨ‑n, te yòhó tnàhá‑n càndeca ñaha tucu‑güedé xii‑n quɨ̌hɨ́ⁿ vitna —càchí‑dé xǎhaⁿ‑dě xii‑aⁿ.

¹⁰Te òré‑áⁿ nǐ nduá‑aⁿ núú tě Pèlú, te ní xíhí‑ni‑aⁿ. Te cuándɨhu cue tée cuechi‑ǎⁿ xɨtɨ́ vehe, te ní xiní‑güedé sá sà ní xíhí‑aⁿ, núu ní xido ñaha tùcu‑güedé cuáháⁿ chindúxi‑güedé‑aⁿ dɨ̀ñɨ yɨɨ‑aⁿ.

¹¹Te ní yùhú víhí ñǎyiu ní sándáá iní tnúhu Yá Ndiǒxí, ndɨhɨ dava‑gá ñáyiu ní níhí tnǔhu nàcuáa ní cuu.