LOS HECHOS 20:29-32

²⁹Te yúhú sa cùtnuní iní‑í sá òré ñá túú‑gǎ‑í ndécú, te quixi ñáyiu dandàhú ñáhá xìi‑ndo cuendá daña‑ndo tnǔhu Yá Ndiǒxí, te cada ñàhá‑yu xii‑ndo dàtná quídé ñǎñá òré tnɨ́ɨ́‑dɨ́ mběé.

³⁰Te dɨu‑ni ɨɨⁿ ǔú cue tée ndècu ndɨhɨ‑ndo, cue tée‑áⁿ dacuàndehnde‑güedé, te cudana davá‑yu quɨndáá iní‑yu chítnáhá ñáhǎ‑yu xii‑güedé.

³¹Te xíǎⁿ nǔu càchí tnúhu‑í sá ǐo quɨhɨ iní‑ndó cùndecu‑ndo ndɨhɨ nchaa ñáyiu sàndáá iní tnúhu‑gá. Te nàha‑ndo sá yǔhú ní xíndecu‑í úní cuíá nǐ cáháⁿ‑í tnúhu Jèsús núú ñǎyiu cuěi nduu cuěi niú. Te áma ní xóo ndáhyú‑í, chi ñá ní cuìní‑yu quɨndáá iní‑yu nchaá‑yu tnúhu ní cáháⁿ‑í —càchí té Pǎblú xǎhaⁿ‑dě xii‑güedé.

³²Te xǎhaⁿ tùcu‑dé: —Nchòhó cue tée ndècu ndɨhɨ‑í ichi Xítohó Jesucrìstú, ío cuìní‑í sá méé Yǎ Ndiǒxí chindee ñàha‑gá xii‑ndo. Te mee‑gǎ ní cáháⁿ‑gá sá ǐo cùdɨ́ɨ́ ìní ñáhá‑gǎ xii‑ndo. Te naníhí tàhú‑ndó ndɨ̀hɨ nchaa ñáyiu cùu cuendá‑gá, te chindee ñàha‑gá xii‑ndo cuèndá cada‑ndo nchàa sá càháⁿ‑gá.