Lomadeↄ 3:6-20

⁶O! Aawo! Tó Lua yã́ zɛvĩo, kpelewa a fↄ̃ yã́kpalɛkɛ ń dṹniaoi?

⁷Gbɛ̃e a mɛ, tó a ɛɛdekɛ lɛ́ Lua náai kã́fĩ mɛ́ àlɛ aà tↄbↄ, bↄ́yãi a yãdaaàla lán duunkɛnawai?

⁸Tó ń ò màa ńlɛ mɛ wà yãvãikɛ, yãmaa i bↄu. Gbɛ̃eↄ ma tↄbɛ̃ɛsì aa mɛ̀ màa mi o. Lua yãdaanla kↄ̃sìńnↄ.

⁹Too! Wá Yudaↄ wá sã̀ↄ yã̀? Aawo bá! Asa ma bↄbↄ ń Yudaↄ ń buipãleↄ píi kↄ̀, ampiiá duuna zↄↄnɛ.

¹⁰A kɛ̃a Lua taalau wà mɛ̀: Gbɛ̃e maao, baa do.

¹¹Laaidee kuo, luakĩiwɛɛlɛnae kuo.

¹²Aa pã̀alɛ ḿpii, aa fↄkpà, yãmaakɛnae kuo, baa do.

¹³An nↄ̀sɛ dɛ lán kaadↄɛmbɛwaɛ. Aaì lɛnakasanɛ́, mlɛ̃̀ sɛwɛ kú ń lɛ́u,

¹⁴yã́'ĩi ń gbɛ̃́kaao mɛ́ ń lɛ́ pà.

¹⁵Aa wãa ń gbɛ̃dɛao,

¹⁶aaì músi ń pↄsiao kpáńzi,

¹⁷aa aafia zɛ́ dↄ̃o,

¹⁸aa Lua vĩa vĩo.

¹⁹Wá dↄ̃ kɛ́ Lua ikoyã píi dɛ gbɛ̃́ pↄ́ kú a ↄzĩↄ yã́ ũɛ, kɛ́ gbɛ̃́pii lɛ́ gↄ̃ kpaaũa, dṹnia gbɛ̃́pii i gↄ̃ tàaede ũ Luaɛ.

²⁰Asa gbɛ̃e a bↄ maa Luaɛ ikoyãpi kũa yã́io. Lua ikoyã mɛ́ ì to wà duuna dↄ̃.